Дзякуючы ДКМ «Карытас-Міласэрнасц 14 дамоў-інтэрнатаў Гомельскай вобласці атрымалі дапамогу
- Written by KATOLIK.LIFE
- Published in Карытас - Гомель
- Add new comment
Пры падтрымцы нямецкіх арганізацый сацыяльныя установы атрымалі абсталяванне і разнастайныя сродкі
Найбольш уразлівымі ў сітуацыі з пандэміяй Covid-19 застаюцца людзі, якія жывуць у дамах-інтэрнатах. Каталіцкая арганізацыя «Карытас» імкнецца дапамагаць кожнаму, хто мае ў гэтым патрэбу. Дзякуючы падтрымцы Renovabis і Begeca (Германія) гомельскай Дабрачыннай каталіцкай місіі «Карытас-Міласэрнасць» удалося рэалізаваць праект SAFE! «Бяспечнае і здаровае асяроддзе для пажылых і найбольш уразлівых».
У сапрацоўніцтве з Камітэтам па працы, занятасці і сацыяльнай абароне насельніцтва Гомельскага аблвыканкама быў створаны спіс сродкаў і абсталявання, неабходнага для зніжэння рызыкі заражэння каранавіруснай інфекцыяй жыхароў і персаналу стацыянарных устаноў. З мэтай прадухілення распаўсюджвання каранавіруснай інфекцыі 14 дамоў-інтэрнатаў Гомельскай вобласці атрымалі сродкі індывідуальнай абароны, мыйныя і дэзінфікуючыя сродкі, а таксама тэхнічнае абсталяванне - пральныя і сушыльныя машыны, прасы, танометры і бескантактавыя тэрмометры, паведамляецца на старонцы арганізацыі.
Прыводзіцца пералік рэчаў, якія былі перададзены установам: 19 пральных і сушыльных машын, 7 прасавальных сістэм, 180 камплектаў пасцельнай бялізны, 37 танометраў і бескантактных тэрмометраў, звыш 1 тоны пральнага парашка і 900 літраў сродкаў дэзінфекцыі, 48 тыс. сродкаў індывідуальнай абароны.
Related items
- Ватыкан адмовіў расійскім католікам у пераходзе ў заходні абрад
- У Газе і не толькі: вулічныя Імшы пры крыжах праводзяць у рэгіёнах Беларусі
- «Умацаванне стабільнасці і адзінства». Дзяржорганы назвалі свае задачы ў рабоце з Царквой
- Пад гукі скрыпкі: у палескім райцэнтры да Першай Камуніі прыступілі двое дзяцей
- Прыклад народнай пабожнасці: паглядзіце, як аформлена капліца ў глыбінцы