Навошта Хрыстос памёр і ўваскрос дзеля мяне?
- Written by Павел Мицкевич
- Published in Хрысціянскае меркаванне
- Comments (4)
Гэты пост быў для мяне нялёгкім. Здавалася, праблемы і цяжкасці паглынуць назаўжды. Але была адзіная надзея - хутка Вялікдзень.
Цяперашні Вялікі пост стаў для мяне асаблівым. Мабыць, упершыню ў Папяльцовую сераду я шчыра маліўся аб тым, каб Ісус дапамог вытрымаць тыя пастановы, якія я азначыў. Я тады яшчэ не вельмі разумеў, што ісці за Хрыстом - гэта нешта іншае, чым выкананне пастаўленых планаў, хай нават богаўгодных. Жыццё з Езусам цікавае і заўсёды поўнае сюрпрызаў. Таму Бог даў мне ў гэты пост зусім іншыя выпрабаванні і падтрымліваў у іх такімі выдатнымі падзеямі, пра якія я і не марыў.
Не буду шмат казаць аб сваім пасце, бо ён ужо ў мінулым, і галоўнае зараз - цуд Вялікадня. Усё пачало змяняцца ўжо на начной Пасхальнай службе нават чыста фізічна: перастаў ныць галодны страўнік, прайшоў галаўны боль. З'явілася такая радасць, што свята хацелася працягваць і працягваць, але пяцігадзіннае начное чуванне здалося імгненнем. На наступны дзень усе працягнулася: у доме госці змянялі гасцей. Потым нечакана з'явіліся грошы, цікавыя прапановы па працы. І радасць, радасць!
Калі б Хрыстус не памёр, не было б Уваскрэсення. Не было б майго посту, калі я хоць трохі змог адчуць тое, што адчуваў Ісус, калі ішоў на крыж. І не было б маёй радасці Вялікадня!
Якое дачыненне да мяне мае ўваскрасенне Хрыста, якое адбылося дзве тысячы гадоў таму ў далёкім Ізраілі? Цяпер я разумею гэта. Акрамя таго, што Ён узяў на Сябе мае грахі і адкрыў мне дарогу ў Неба, у будучую Вечнасць, ужо цяпер я маю радасць свайго жыцця. Калі хоць бы на кароткія моманты я ўпускаю Хрыста Ўваскрослага ў сваё сэрца, яно змяняецца да непазнавальнасці. Бог дае мне сваю любоў, якая ўсё змяняе. Слава Яму на векі вечныя!
А як вы правялі Вялікі пост і сустрэлі Вялікдзень? Запрашаем паўдзельнічаць у апытанцы Як ты бачыш Уваскрасенне Хрыста ў сваім жыцці, а лепш падрабязней распавесці аб сваім вопыце ў каментарах.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Штосьці незвычайнае зладзілі ў мінскім касцёле: набажэнства спалучылі з перфомансам
ru.wikipedia.org/.../...
А потом загнал в поиск фразу, которой друг друга поздравляют наши англоязычные братья "happy easter". Это просто ужас! Христа почти ни на одной картинке, только какие-то зайчики, цветочки и тоже яйца.
Да, хорошо демон действует. Празднуете Пасху? Пожалуйста, празднуйте! Главное, чтобы Христа не было в центре этого праздника! Как и с Рождеством, кстати.
RSS-стужка каментароў гэтага запiсу