Для чаго Бог стварыў жывёлаў? [фота майго сабакі]
- Written by Ольга Клюй
- Published in Хрысціянскае меркаванне
- Comments (9)
Часта ў апошні час чую лёгкую непрыязнасць з боку святароў да хатніх жывёлаў. Маўляў, сям'ю трэба будаваць, дзяцей гадаваць, а яны (г.зн. сабакары) заводзяць сабе ўлюбёнца і ўжо не ведаюць, як яму дагадзіць. Задумалася. Бо я і ёсць той самы ўладальнік чацвераногага ўлюбёнца!
У дзяцінстве ў мяне ніколі не было хатніх жывёл - бацькі адпужвалі ўсе мае намеры ў гэтым кірунку абуджэннем раніцай, каб пагуляць, кармленнем і штодзённай уборкай кватэры ад поўсці. А прачынацца раніцай яшчэ раней, чым таго патрабавала школа, для мяне было страшна. Вось так і жыла - хочацца і колецца. А потым усё вырашыў выпадак (ці не выпадак?..). Знаёмы ад'язджаў у іншую краіну і ягонаму хатняму гадаванцу патрэбен быў новы дом і новы гаспадар. Ні секунды не раздумваючы, я стала ўладальнікам залацістага рэтрывера.
Мы хутка знайшлі агульную мову. І якім жа адкрыццём для мяне стала, што мой новы сябар зусім не супраць у выхадныя адпачыць да 12. Пры гэтым ён так жа лёгка гатовы прачнуцца да ўсходу і дзень правесці на прыродзе. Мы разам купаемся летам, катаемся на санках зімой, спім цэлы дзень у дажджлівую нядзелю - у нас апынулася шмат агульных інтарэсаў.
Аднойчы, калі Тамерлан паводзіў сябе неналежным чынам у прысутнасці майго добрага знаёмага, я ўсклікнула: "Ах, які ты нявыхаваны!" У адказ на гэта пачула ад знаёмага: "Увесь у гаспадыню". А калі пры маці абвінаваціла сабаку ў ляноце, то што адказала маці? "Увесь у гаспадыню!" У кожным жарце ёсць доля жарту. Не выпадкова ж кажуць, што хатнія гадаванцы падобныя да сваіх гаспадароў.
І тады я з цікаўнасці склала спіс добрых і дрэнных якасцяў Тамерлана. І зразумела, што гэта мой спіс, мае добрыя і дрэнныя якасці! У многіх з іх я б ніколі не знайшла смеласці прызнацца нават сабе!
І ў мяне з'явілася думка, што, калі ўсе людзі, якія з'яўляюцца ў маім жыцці - не выпадковасць, то чаму сабака - выпадковасць? Тамерлан за гэты год, што жыве са мной, навучыў мяне адказнасці. Паказаў мне, што я абсалютна не гатовая была ахвяраваць сваімі планамі і сваім часам. Я забывалася набыць яму прадукты, ленавалася прыгатаваць яму ежу. А ён - галодны - мужна трываў і заўсёды радасна сустракаў мяне. Калі быў ня з'едзены, але панадкусаны лінолеум у калідоры, я адкрыла ў сабе такую эмацыйную нявытрыманасць і агрэсію! Самой было страшна. А цяпер я ўмею лічыць да 10. Часам, праўда, даводзіцца і да 100... Колькі разоў я прымушала сябе ісці з ім за Сож, а потым атрымлівала такое велізарнае задавальненне ад прагулкі, што і дадому вяртацца не спяшалася.
Гэта ўсяго толькі сабака. Але што зробіш, калі менавіта ён стаў маім люстэркам. І я ведаю, што ён мяне любіць сваёю вернаю сабачай любоўю. Не за штосьці, а насуперак. І гэтаму мне, чалавеку, трэба ў яго павучыцца.
фота Дзяніса Глазіна
Related items
- Мілыя фота з жывёламі ў Баранавічах выклалі манаскія асобы
- «Уразіла міласэрнасць». Што здзівіла ў Беларусі самотнага пілігрыма пасля Кітая і ЗША
- «Даведаўся, што ксёндз мае "жонку" і дзяцей». Што з гэтым рабіць, пытае вернік
- Набірае папулярнасць канал сельскага святара: для пропаведзі ён рамантуе ГАЗ, «прымае пацыентаў»
- Мільён праглядаў у TikTok! Папулярны кантэнт стварае каталіцкі хор з Ліды
Подвергать животных ненужным страданиям и расточать их жизни несовместимо с человеческим достоинством. Недостойно также тратить на них средства, которые должны были бы прежде всего облегчать человеческие страдания. Можно любить животных; они не должны быть предметом чувств, предназначенных только для людей.
Седьмая Заповедь требует уважения к целостности творения. Животные, так же, как и растения и неодушевленные существа, естественным образом предназначены для блага человечества в прошлом, настоящем и будущем. Использование минеральных, растительных и животных ресурсов мира не может быть отделено от уважения к нравственным требованиям. Дарованное Творцом господство человека над живыми и неживыми творениями не абсолютно; оно измеряется заботой о качестве жизни ближнего, в том числе и будущих поколений, и требует религиозного уважения к целостности творения.
Животные - творения Бога. Он окружает их Своей промыслительной заботой. Самим фактом своего существования они Его благословляют и воздают Ему славу. Поэтому люди должны относиться к ним доброжелательно . Достаточно вспомнить о том, с какой нежностью обращались с животными св. Франциск Ассизский и св. Филипп Нери
Очень хорошо написано!
А еще вспомнил вот что. Кто-то задал вопрос: если мы попадем в Царство Божие, будут ли там наши любимые кошки и собаки?
И священник ответил: Бог есть любовь. Если в Царстве Божьем мы будем недостаточно счастливы без присутствия какого-то животного, Господь даст его. Ведь Он нас любит! И в Царстве Божьем силой любви окажутся рядом с нами те люди и те животные, которых мы действительно полюбили на земле.
Важна, каб жывёла не была на першым месцы. Бог, сям'я, Радзіма і толькі потым дзесьці жывёла. А у яе, жывёлы, мы на першым месцы.
Ці зможам з сістэмай хрысціянскіх вартасцяў апраўдаць давер жывёлы?
А вообще текст Ольги очень здоровский и искренний, спасибо!
RSS-стужка каментароў гэтага запiсу