Што шукаюць чытачы на хрысціянскім сайце?
- Written by gomel.catholic.by
- Published in Хрысціянскае меркаванне
- Comments (1)
Некаторыя вынікі нашага інтэрнэт-служэння мы падвялі праз месяц пасля пачатку работы Гомельскага каталіцкага партала - новай версіі сайта gomel.catholic.by.
За гэты месяц зарэгістравана амаль 900 наведванняў сайта унікальнымі карыстальнікамі, і ці ледзь не палова з іх трапілі да нас па спасылках на іншых сайтах. У тым ліку Facebook, Catholic.by, Kp.by, але больш за ўсё - з пошукавікаў. Прычым, на хрысціянскі сайт людзі заходзілі не толькі па тэматычных, але часам па цалкам нечаканых запытах, да прыкладу: ад чаго людзі вар'яцеюць, як разбагацець, секты ў Гомелі, аборт у Гомелі, таро ў Гомелі, геі Гомеля, як зрабіць самагубства. Хочацца спадзявацца, што камусьці з гэтых людзей Бог адкрыў Добрую вестку праз наш сайт.
Гомельскі каталіцкі партал за гэты месяц наведалі чытачы з больш чым дзесяці краін, у тым ліку з Расіі, Украіны, Польшчы, Ізраіля, Германіі, Казахстана. Штодзённая наведвальнасць - каля ста чалавек у дзень. Для рэгіянальнага хрысціянскага сайта гэта нядрэнны паказчык.
Таксама мы падвялі вынікі чытальнасці матэрыялаў. З аператыўных публікацый самымі цікавымі сталі парафіяльныя навіны, прычым, больш за ўсё - пра жыццё суполак Неакатэхуменальнага шляху (200-400 праглядаў). Абсалютны рэкардсмен па чытальнасці - старонка Хрысціянскага гумару, у яе ўжо больш за тысячу праглядаў. І гэта радуе, бо «Вясёлае сэрца ацаляе, а пануры дух сушыць косці». Ды і ўмець смяяцца над самім сабой - вельмі карысная справа для навяртання!
Прыемна, што не нашмат адстала па чытальнасці і старонка «100 наіўных пытанняў пра веру». Значыць, не толькі гумарам цікавяцца тыя, хто шукае Бога, але і сур'ёзнымі момантамі. І на трэцім месцы - старонка мясцовай групы Ананімных Алкаголікаў. Сапраўды, праблема алкагалізму адна з найбольш актуальных для нашага грамадства, і без навяртання да Бога яе не вырашыць.
У верхнім радку галоўнай старонкі абнаўляюцца і матэрыялы рубрыкі «Гісторыі навяртанняў», аднак яны не маюць такога поспеху ў чытачоў, як яе банэры-суседзі. Мала чытаюць і рубрыку «Хрысціянскае меркаванне». З апытанак самым папулярным стала «дзіцячае пытанне». За тыдзень наконт яго выказаліся сорак чалавек. Дарэчы, прыняць удзел ва ўсіх папярэдніх апытаннях можна, перайшоўшы па спасылцы View details ў самым нізе акенца з апытаннямі.
А пра што вам было б цікава пачытаць на хрысціянскім сайце? Чакаем вашых каментароў! Дарэчы, магчымасцю каментавання артыкулаў чытачы карыстаюцца, на жаль, рэдка, часцей заходзяць на форум.
Related items
- Пацалунак пад абразом і цягнік з адным вагонам – чым дзеліцца парафія ў глыбінцы
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- У капелюшы і са сцягам: штучны інтэлект намаляваў уваскрослага Хрыста ў Беларусі
- Флэшмоб This is Belarus сабраў 100 тысяч фота і відэа – таксама з Будслава