Планшэт Папы Рымскага выставілі на аўкцыён
- Written by katolik-gomel.by
- Published in Папа Францішак
- Add new comment
Першапачатковы кошт белага "iPad" - 40 тыс. даляраў, грошы пойдуць на адукацыйны праект.
Электронны планшэт, які належаў папу Францішку, будзе прададзены на аўкцыёне ва Уругваі. Сродкі будуць накіраваны на адукацыйныя мэты. Адзін з уругвайскіх аўкцыённых дамоў, які адказвае за продаж “iPad”, абвясціў таргі на 14 красавіка 2015 г. Ужо атрымана некалькі званкоў ад зацікаўленых асоб.
Планшэт трапіў у краіну праз уругвайскага святара, які атрымаў яго ў дар ад Пантыфіка. Ён, у сваю чаргу, ахвяраваў гаджэт мясцоваму педагагічнаму інстытуту. А гэта ўстанова вырашыла выставіць яго на аўкцыён, каб падтрымаць адзін са сваіх адукацыйных праектаў.
Першапачатковы кошт белага “iPad” з надпісам “Яго Святасць Францішак” 40 тыс. долараў ЗША. Да яго прыкладзены сертыфікат, які пацвярджае “ватыканскае” паходжанне гаджэту і факт яго дарэння з боку Папы.
Related items
- Месяцовае і сонечнае гало назіралі беларусы ў Вялікі тыдзень
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Набірае папулярнасць канал сельскага святара: для пропаведзі ён рамантуе ГАЗ, «прымае пацыентаў»
- «Дзіця электрычкі» вандруе па Беларусі ў пошуках цікавых храмаў і драўляных хат
- Мільён праглядаў у TikTok! Папулярны кантэнт стварае каталіцкі хор з Ліды