Папа Францішак ізноў увайшоў у лік самых уплывовых людзей свету
- Written by katolik-gomel.by
- Published in Папа Францішак
- Add new comment
«Пантыфік - асаблівы дар Бога, які прынёс глыток свежага паветра ў Ватыкан».
Папа Францішак у трэці раз увайшоў у спіс самых уплывовых фігур сучаснага свету, складзены амерыканскім “Time”. Спіс, які агучваецца штогод гэтым часопісам, не можна назваць класічным рэйтынгам; ён аб’ядноўвае розных асоб з усяго свету ў пяці катэгорыях: тытаны, піянеры, творцы, лідэры і іконы.
Святы Айцец увайшоў у групу “іконы” у складзе “100 самых уплывовых людзей свету”. Кожнага ўключанага ў спіс чалавека прадстаўляе ў штотыднёвіку іншая выбітная асоба. У выпадку Папы гэта зрабіў англіканскі архіепіскап Кейптаўна ў Паўднёвай Афрыцы, лаўрэат Нобелеўскай прэміі міру Дэсманд Туту.
У чатырох пунктах ён прадставіў пакору Хорхе Марыа Берголіа, яшчэ калі той быў арцыбіскупам Буэнас-Айрэса, выказваючы пры гэтым незадаволенасць, што Пантыфік не прыняў у мінулым годзе Далай-ламу. “У любым выпадку, я люблю і захапляюся Яго Святасцю Папам настолькі, наколькі я захапляюся і люблю Яго Святасць Далай-ламу. Мала хто будзе спрачацца з тым, што папа Францішак з’яўляецца адмысловым дарам Бога, які прынёс глыток свежага паветра ў Ватыкан”, - напісаў англіканскі іерарх.
Побач з Святым Айцом сярод “ікон” апынуліся: амерыканская спявачка Тэйлар Свіфт, французскі эканаміст Томас Пікэці, лаўрэат Нобелеўскай прэміі міру ў мінулым годзе Малала Юсуфзай з Пакістана і японскі пісьменнік Харукі Муракамі.
Related items
- Месяцовае і сонечнае гало назіралі беларусы ў Вялікі тыдзень
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Святары ў войску: клірыка пінскага прыходу прызвалі ў ПДВ
- «Дзіця электрычкі» вандруе па Беларусі ў пошуках цікавых храмаў і драўляных хат