Папа прыняў у Ватыкане прадстаўніка РПЦ
- Written by katolik-gomel.by
- Published in Папа Францішак
- Add new comment
Мітрапаліт Іларыён перадаў пантыфіку прывітанне ад Патрыярха Маскоўскага і ўсяе Русі Кірыла.
Папа Францішак прыняў на аўдыенцыі ў Апостальскім палацы ў Ватыкане Мітрапаліта Іларыёна, старшыню Аддзела знейшніх царкоўных сувязяў Маскоўскага Патрыярхату. Іерарх перадаў Пантыфіку прывітанне ад Патрыярха Маскоўскага і ўсяе Русі Кірыла. Падчас сустрэчы быў абмеркаваны цэлы шэраг пытанняў, уключаючы бядотнае становішча хрысціянскага насельніцтва Блізкага Усходу і Паўночнай Афрыкі, а таксама неабходнасць сумесных дзеянняў для абароны традыцыйнага разумення сям’і ў сучасным секулярным грамадстве. Была закранута тэма супрацоўніцтва Каталіцкага Касцёла і Рускай Праваслаўнай Царквы ў сферы культуры, паведамляецца на сайце Аддзела знейшніх царкоўных сувязяў.
У памяць аб сустрэчы папа Францішак уручыў Мітрапаліту Іларыёну і членам праваслаўнай дэлегацыі медаль-сувенір, адчаканены ў гонар яго пантыфікату. У сваю чаргу іерарх падарыў Святому Айцу копію старажытнай рускай іконы Хрыста Збаўцы, напісаную адным праваслаўным святаром.
Старшыня Аддзела знейшніх царкоўных сувязяў Маскоўскага Патрыярхату прабываў у Рыме з 14 па 15 чэрвеня 2015 г. Увечары 14 чэрвеня ён сустрэўся са старшынёй Папскай рады спрыяння хрысціянскаму адзінству, кардыналам Куртам Кохам. Падчас спаткання абмяркоўваліся розныя аспекты ўзаемадзеяння паміж Маскоўскім Патрыярхатам і Святым Пасадам.
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася