Папа: Будучыня Каталіцкай Царквы - у Азіі
- Written by katolik-gomel.by
- Published in Папа Францішак
- Add new comment
«Хутчэй, гэта прароцтва, вялікі выклік і «вялікая місія».
Будучыня Касцёла – у Азіі, лічыць папа Францішак. Яго словы зацытаваў кардынал Луіс Антоніа Тагле з Філіпін падчас канферэнцыі ў Папскім атэнэўм філасофіі, тэалогіі і кананічнага права ў індыйскім горадзе Бангалор. 58-гадовы арцыбіскуп Манілы прызнаўся, што ён прасіў Святога Айца звольніць яго з прыняцця пасады старшыні “Caritas Internationalis” і Каталіцкай біблійнай федэрацыі, але Францішак запярэчыў і сказаў, што жадаў даверыць гэтыя абавязкі менавіта некаму з азіяцкага кантынента, таму што там “будучыня Касцёла”.
Кардынал Тагле адзначыў, што гаворка не ідзе аб нейкай асаблівай годнасці. Хутчэй, гэта “прароцтва і вялікі выклік”, а таксама вялікая адказнасць і “вялікая місія”. Ён дадаў, што католікі ў Азіі вельмі сур’ёзна ставяцца да сваёй місіі, спрабуюць знайсці спосабы ўнесці свой уклад у жыццё Касцёла ва ўсім свеце праз рэфлексію і канкрэтныя ініцыятывы.
Філіпінскі іерарх адзначыў, што Касцёл усё больш накіраваны ў бок Азіі, Афрыкі і Акіяніі. “Месцы вялікіх пакут і болю сталі цэнтрам цяжару жыцця і рэфлексіі Касцёла”, - сказаў кардынал Тагле.
Related items
- Названа «лепшае фота» з палярным ззяннем – над прыдарожным крыжам
- Над дамамі і храмамі: здымкамі яркага палярнага ззяння дзеляцца ў сетках
- 9 траўня ў дзень Унебаўшэсця Пана католікі моляцца аб супакоі на зямлі
- Ватыкан не паведамляў аб адмове Папы Рымскага ад удзелу ў мірным саміце па Украіне
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп