Папа ахрысціў двух дзяцей з Аргентыны
- Written by katolik-gomel.by
- Published in Папа Францішак
- Add new comment
Адзін з бацькаў - актывіст па барацьбе з гандлем людзьмі і наркотыкамі.
Папа Францішак удзяліў хрост двум дзецям з Аргентыны, cпоўніўшы абяцанне, дадзенае некалькі гадоў таму, калі быў яшчэ арцыбіскупам Буэнас-Айрэса. Цырымонія адбылася падчас прыватнай Эўхарыстыі ў капліцы ватыканскага Дома св. Марты.
Бацькам аднаго з дзяцей з’яўляецца Лукас Шэрэр – актыўны супрацоўнік няўрадавай арганізацыі па барацьбе з гандлем людзьмі і наркотыкамі “Alameda”. Арцыбіскуп Берголіа актыўна падтрымліваў дзейнасць гэтай, добра вядомай у краінах Лацінскай Амерыкі, структуры. Тады паміж імі завязалася сяброўства, а будучы Пантыфік паабяцаў ахрысціць дзіця грамадскага актывіста.
Хроснай маці стала аргентынская журналістка Мэрседэс Нінсі, даўно знаёмая са Святым Айцом. Яна распавяла, што Папа дапамог ім з арганізацыяй начлегу ў адным з рымскіх кляштараў, які прымае пілігрымаў. Сама цырымонія, паводле яе слоў, была “прыгожая і простая”. Францішак цэлебраваў св. Імшу, пасля чаго правёў некаторы час у кампаніі даўніх сяброў.
Related items
- Ватыкан не паведамляў аб адмове Папы Рымскага ад удзелу ў мірным саміце па Украіне
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Ці ўступаць у піянеры, спыталі ў вернікаў – частка адказаў здзівіла
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная