Папа: каб ісці за Езусам, чытайце Евангелле кожны дзень

Папа Францішак апублікаваў новае паведамленне ў папулярнай сацыяльнай сетцы «Твітэр»:

«Штодзённае чытанне Евангелля дапамагае нам пераадолець эгаізм і няўхільна ісці за Настаўнікам Езусам».

За час гэтых амаль двух з паловай гадоў пантыфікату Святы Айцец часта выступаў з заклікам чытаць Евангелле. Па просьбе Папы тысячы асобнікаў Святога Пісання былі падораны вернікам і паломнікам на галоўнай плошчы Ватыкана; брашуры Евангелля дапамагалі раздаваць рымскія бяздомныя.

Нагадаем, раней Папа заклікаў: "Чытайце адзін урывак з Евангелля кожны дзень! Гэта сіла, якая нас змяняе: змяняе жыццё і сэрца". 

radiovaticana.va