У ЦАР абвастрылася абстаноўка напярэдадні візіту Папы
- Written by katolik-gomel.by
- Published in Папа Францішак
- Add new comment
З'явіліся тысячы бежанцаў, баевікі рабуюць і паляць гаспадаркі.
Усё больш і больш напружанай становіцца сітуацыя ў сталіцы Цэнтральнаафрыканскай Рэспублікі. Гэта выклікае сур’ёзную заклапочанасць адносна магчымасці пілігрымкі Папы ў гэту краіну. Яна запланавана на 29 і 30 лістапада 2015 г. За апошнія некалькі дзён у Бангі назіраецца эскалацыя насілля. Ёсць чарговыя смяротныя ахвяры, хутка расце колькасць бежанцаў. Падчас сустрэчы з вернікамі на “Анёл Панскі” у мінулую нядзелю Францішак заклікаў пакласці канец насіллю, пераадолець рознагалоссі і ўсталяваць мір.
Папскі заклік, гэта знак салідарнасці з народам, які падвяргаецца насіллю, перад якім ніхто яго не бароніць, сказаў Апостальскі нунцый у краіне, арцыбіскуп Франка Копала. “Гэта цяжкія дні для сталіцы. Нягледзячы на тое, што беспарадкі абмяжоўваюцца толькі да двух ці трох раёнаў сталіцы, яны правакуюць велізарную шкоду. Тысячы людзей былі вымушаны пакінуць свае дамы. Баевікі сістэматычна падпальваюць і рабуюць чарговыя гаспадаркі, што выклікае вялікія пакуты мірных жыхароў”, - апісаў сітуацыю ватыканскі дыпламат.
Related items
- Ці ўступаць у піянеры, спыталі ў вернікаў – частка адказаў здзівіла
- У Ізраілі католікі з Беларусі спакойна перажылі атаку Ірана, але «вайна дастала»
- Папа Рымскі прыняў у Ватыкане шамана – той папрасіў аб дапамозе
- Паранены святар, пасадка бульбы: як жывуць пры абстрэлах вернікі Харкава і рэгіёну
- Сезон пешых пілігрымак у Беларусі адкрыюць католікі ў Пінску