Папа сустрэўся з транссэксуаламі і былымі прастытуткамі
- Written by katolik-gomel.by
- Published in Папа Францішак
- Add new comment
«Каталіцкая царква не павінна выключаць каго-небудзь».
Святы Айцец сустрэўся з групай транссексуалаў і былых прастытутак. «Кароткая сустрэча 50 ахвяр гандлю людзьмі з дзесяці краін адбылася ў суботу падчас пазачарговай агульнай аўдыенцыі ў Ватыкане ў сувязі з Годам Міласэрнасці», — паведаміла 10 красавіка ватыканская газета «L'Osservatore Romano».
Акрамя таго, падчас аўдыенцыі Папа прывітаў трох зняволеных, якія адбываюць пакаранне ў Мілане: два з іх — пажыццёва і адзін прысуджаны да 15 гадоў пазбаўлення волі.
«Каталіцкі Касцёл не павінен выключаць каго-небудзь толькі з-за таго, што яго жыццё не адпавядае каталіцкаму вучэнню», — падкрэсліў Святы Айцец у апублікаванай 8 красавіка постсінадальнай Апостальскай адгартацыі «Amoris Laetitia» (Радасць любові), прысвечанай шлюбу і сям’і.
24 студзеня гэтага года Пантыфік прымаў у Доме св. Марты ў Ватыкане іспанскага транссексуала, які ў мінулым годзе напісаў яму ліст, дзе скардзіўся, што быў адлучаны ад сваёй парафіяльнай супольнасці ў Пласенсіа, да якой належаў з дзяцінства.
Папа Францішак таксама неаднаразова сустракаўся з былымі прастытуткамі, якія сталі ахвярамі гандлю людзьмі.
Related items
- Старадаўняя капліца згарэла на могілках у Смаргоні
- «Не сказалі нават біскупу». Даведаліся, на які тэрмін асудзілі святароў у Віцебску
- Песня з хрысціянскімі матывамі ад Украіны заняла трэцяе месца на Еўрабачанні
- «Зробім каталіцкае ТБ». Два моцныя YouTube-праекты запусцілі святары і манахіня
- Названа «лепшае фота» з палярным ззяннем – над прыдарожным крыжам