Папа абмыў ногі зняволеным, у тым ліку жанчынам
- Written by katolik-gomel.by
- Published in Папа Францішак
- Add new comment
Сярод 12 - адзін мусульманін, двое асуджаныя да пажыццёвага тэрміну.
Вечарам 13 красавіка 2017 г. Святы Айцец узначаліў Імшу Вячэры Пана. Месцам яе правядзення стала турма ў мястэчку Пальяна, у італьянскай правінцыі Фразінонэ, якая знаходзіцца на тэрыторыі дыяцэзіі Палестрына. Папа прыбыў сюды на аўтамабіле з Ватыкана.
Падчас літургіі ён правёў абрад абмыцця ног, у якім прынялі ўдзел дванаццаць зняволеных, сярод якіх тры жанчыны. Большасць гэтых вязняў – 10 чалавек – паходзіць з Італіі. Сярод іх будзе таксама аргентынец і албанец. Адзін са зняволеных – мусульманін, які рыхтуецца прыняць сакрамэнт хросту ў чэрвені. Двое вязняў асуджаны на пажыццёвае зняволенне. Тэрмін заканчэння пакарання астатніх: ад 2019 г. да 2073 г.
Турэмны комплекс у Пальяна знаходзіцца ў будынку сярэдневечнай крэпасці. Тут утрымліваюцца 70 чалавек. Асаблівасць пэнітэнцыярнай установы ў тым, што ўсе яны – былыя супрацоўнікі органаў правасуддзя. Вязні даўно прасілі аб магчымасці сустрэчы са Святым Айцом.
Ужо па традыцыі, Францішак абірае месцам правядзення вячэрняй св. Імшы ў Вялікі Чацвер адмысловыя ўстановы, звязаныя з чалавечымі пакутамі. У мінулыя гады, гэта былі: калонія для непаўнагадовых “Casal del Marmo” і рымская турма “Rebibbia”, цэнтр для няпоўнаспраўных і лагер для бежанцаў і асоб, якія шукаюць прытулку.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Штосьці незвычайнае зладзілі ў мінскім касцёле: набажэнства спалучылі з перфомансам
- Opus Dei адказаў на абвінавачванні FT у «эксплуатацыі»