Папа Францішак паабедаў з беднымі: «Мы ўсе маем патрэбу ў Богу»
- Written by katolik.life
- Published in Папа Францішак
- Add new comment
На сустрэчы сабраліся каля тысячы бяздомных, хворых, зняволеных, бежанцаў, адзінокіх пажылых людзей.
Пантыфік прыняў удзел у абедзе салідарнасці з беднымі, які быў арганізаваны балонскім аддзяленнем “Caritas” у мясцовай базыліцы св. Пятронія – шостай па памерах у Еўропе. Тут сабраліся каля тысячы бяздомных, хворых, вязняў, бежанцаў, самотных пажылых людзей, аб якіх клапоцяцца каталіцкія дабрачынныя арганізацыі і парафіі.
У прывітальным слове Пантыфік назваў абед салідарнасці цудоўнай нагодай, каб падзяліцца “штодзённым хлебам”, якім з’яўляецца не толькі ежа, але таксама Евангелле, Божае слова, “якое мы ўсе носім у сэрцы, і якое для нас, хрысціян, мае аблічча Езуса”.
Звяртаючыся да бедных Францішак заўважыў, што Касцёл прагне бачыць іх у цэнтры свайго жыцця, бо “Касцёл належыць усім, асабліва бедным”. Мы ўсе “з’яўляемся запрошанымі, праз дзеянне ласкі” і ўсе “маем патрэбу ў Богу, які становіцца блізкім і адкрываецца ў дзяленні хлеба”, сказаў ён.
Папа заклікаў сабраных супольна памаліцца словамі малітвы “Ойча наш”, у якой, паводле яго, “мы ўсе вызнаем патрэбу ў тым, каб перамагчы ўсе формы эгаізму і атрымаць доступ да радасці ўзаемнага прыняцця”.
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Не фэйкі і не хакеры: «Радыё Марыя» працягвае збор і тлумачыць непаразуменні
- Папа Рымскі прыняў у Ватыкане шамана – той папрасіў аб дапамозе
- «Уразіла міласэрнасць». Што здзівіла ў Беларусі самотнага пілігрыма пасля Кітая і ЗША
- «Даведаўся, што ксёндз мае "жонку" і дзяцей». Што з гэтым рабіць, пытае вернік