Дзень нараджэння Папы: тысячы лістоў і мільёны віншаванняў
- Written by Katolik.life
- Published in Папа Францішак
- Add new comment
Лепшым падарункам для Францішка з'яўляецца малітва за яго
Папа Рымскі Францішак 17 снежня адзначыў свой 83-ці Дзень нараджэння - ужо ў сёмы раз у якасці Наступніка св. Пятра. Хорхэ Берголіа нарадзіўся 17 снежня 1936 г. у Буэнас-Айрэсе ў сям’і італьянскіх эмігрантаў.
Як і ў папярэднія гады, у Ватыкане не было нічога асаблівага з нагоды дня нараджэння Папы. Для Пантыфіка гэта быў дзень працы і малітвы. Сваё свята Францішак праводзіць у сціпласці і простасці, у гэты дзень ягоныя думкі лятуць да родных і блізкіх, жывых і памерлых. Пачаў свой дзень нараджэння Папа са святой Імшы ў капліцы Дома св. Марты ў Ватыкане. Паколькі 17 снежня выпала на аўторак, Пантыфік не прамаўляў гаміліі на плошчы св. Пятра.
Дзясяткі тысяч вернікаў даслалі Францішку свае віншаванні па электроннай пошце, сярод іх - тысячы лістоў ад дзяцей. А мільёны людзей з розных куткоў свету выбралі сацыяльныя сеткі, каб дадаць свае віншаванні, думкі ці каментары пад адным з фота Папы, апублікаваных на афіцыйным акаўнце Franciscus ў Instagram.
З усяго свету паступілі незлічоныя віншаванні ад рэлігійных лідэраў, кіраўнікоў дзяржаў і ўрадаў, прадстаўнікоў свету навукі, культуры, мастацтва. Павіншаваў Святога Айца і яго папярэднік Папа на пенсіі Бэнэдыкт ХVI.
Лепшым падарункам для Францішка з'яўляецца тое, пра што ён просіць пры кожнай аўдыенцыі і сустрэчы: «Не забывайце маліцца за мяне!»
Media
Related items
- У Ізраілі католікі з Беларусі спакойна перажылі атаку Ірана, але «вайна дастала»
- Папа Рымскі прыняў у Ватыкане шамана – той папрасіў аб дапамозе
- Паранены святар, пасадка бульбы: як жывуць пры абстрэлах вернікі Харкава і рэгіёну
- 9-месячную малітву аб ненароджаных дзецях пачалі ў Звеставанне католікі
- Новага біскупа ў Беларусі прызначыў Папа Рымскі на незвычайную пасаду