BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

За памерлага Дыега Марадону моліцца Папа Рымскі

Легендарны футбаліст у жарт называў сябе «капітанам каманды Францішка»

Святы Айцец моліцца за памерлага Дыега Арманда Марадону. Легендарны аргентынскі футбаліст адышоў у вечнасць 25 лістапада 2020 г. у 60-гадовым узросце.

“Папа быў паінфармаваны аб смерці Дыега Марадоны. Ён з любоўю ўспамінае пра сустрэчы, якія мелі месца ў гэтыя гады, а таксама моліцца за яго, як рабіў у апошнія дні, калі даведаўся пра яго стан здароўя”, - сказаў журналістам кіраўнік Залы Друку Апостальскай Сталіцы Матэа Бруні.

Францішак некалькі разоў сустракаўся з Марадонай у Ватыкане. Славуты спартсмен прымаў удзел у футбольным матчы за мір, які адбыўся ў 2014 г. у Рыме па ініцыятыве Святога Айца, а таксама ўдзельнічаў у адукацыйных праектах Папскага фонда Scholas Occurentes.

Марадона прызнаваўся, што вельмі ўдзячны Пантыфіку за любоў, павагу і клопат аб дзецях. “Мы размаўлялі пра многія рэчы, пра неабходнасць аб’яднання футбалістаў дзеля супольнай дзейнасці на карысць дзяцей, якія галадаюць у многіх частках свету”, - казаў спартсмен пасля адной з сустрэч з Пантыфікам. Ён жартам называў сябе “капітанам каманды Францішка”.

vaticannews.va/be

Дадаць каментарый

Ахоўны код
Абнавіць