«Вёз у машыне схаванага пад коўдрай». Папа Рымскі распавёў, што рабіў пры дыктатуры ў Аргентыне
- Written by KATOLIK.LIFE
- Published in Папа Францішак
- Add new comment
Таксама Францішак прызнаўся, што яго супакойвае і як ён уяўляе сваю смерць
У інтэрв'ю аргентынскаму La Nación Папа Рымскі Францішак адзначыў, што ніколі не праходзіў псіхааналіз, аднак кансультаваўся з псіхіятрам, калі быў правінцыялам езуітаў падчас дыктатуры ў Аргентыне. “Мне гэта дапамагло пераадолець страх. Здаралася, я хаваў некаторых людзей і дапамагаў ім пакінуць краіну. Уявіце, як мне было страшна, калі вёз у машыне кагосьці, схаванага толькі пад коўдрай, і праходзіў тры ваенныя блокпасты. Напружанне было велізарным”, - патлумачыў Пантыфік.
Ён падкрэсліў, што сустрэчы з псіхіятрам таксама дапамаглі яму навучыцца кантраляваць сябе і пазбягаць паспешных рашэнняў. Францішак звярнуў увагу на тое, што кожны святар павінен ведаць чалавечую псіхалогію.
Папа таксама распавёў пра сваю трывогу з прычыны жадання зрабіць усё адразу. Ён падкрэсліў, што ў жыцці трэба вучыцца тармазіць. Адзін з яго метадаў – слухаць творы Баха. “Гэта супакойвае мяне і дазваляе лепш аналізаваць праблемы”, - прызнаў Святы Айцец.
У канцы інтэрв'ю журналіст спытаў у Францішка, ці думае ён пра смерць. “Так, але я яе не баюся”, - адказаў той. На пытанне, як ён уяўляе ўласную смерць, ён адказаў: “у якасці Пантыфіка, дзеючага або на пенсіі. У Рыме. Я больш не вярнуся ў Аргентыну”, - заключыў Папа.
Related items
- Загадкавую смерць манахіні расследуюць у Гомелі
- Папа Рымскі прыняў у Ватыкане шамана – той папрасіў аб дапамозе
- Новага біскупа ў Беларусі прызначыў Папа Рымскі на незвычайную пасаду
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Помнік беларускаму герою Кастусю Каліноўскаму адкрылі ў Вільні