Папа Рымскі зноў заклікаў да гуманітарнага калідора з «Азоўсталі» ў Марыупалі
- Written by KATOLIK.LIFE
- Published in Папа Францішак
- Add new comment
"Мае думкі накіроўваюцца да ўкраінскага горада Марыупаль,"гораду Марыі", па-варварску разбамбаванага і разбуранага"
“Сёння пачынаецца месяц, прысвечаны Маці Божай. Я б хацеў заахвоціць усіх вернікаў і ўсе супольнасці штодзённа маліцца Ружанец у інтэнцыі міру. Мае думкі адразу скіроўваюцца да ўкраінскага гораду Марыупаль, “гораду Марыі”, па-варварску разбомбленага і разбуранага. Тут і зараз я зноў прашу стварыць бяспечныя гуманітарныя калідоры для людзей, якія апынуліся ў пастцы на сталеліцейным заводзе гэтага горада. Пакутую і плачу, думаючы пра цярпенні ўкраінскага народа, асабліва самых слабых, пажылых і непаўналетніх. Нават прыходзяць жахлівыя паведамленні пра выгнаных і дэпартаваных дзяцей”, - цытуе Папу vaticannews.va/be.
“І ў той час як мы з’яўляемся сведкамі жудаснага заняпаду чалавецтва, я пытаюся, разам з мноствам людзей, ахопленых трывогай: ці сапраўды адбываецца пошук міру; ці ёсць жаданне пазбегнуць далейшай ваеннай і вербальнай эскалацыі; ці робіцца ўсё магчымае для таго, каб змоўкла зброя. Прашу вас не скарацца перад логікай насілля, вычварнай спіраллю ўзбраенняў. Паўстанем на шлях дыялогу і міру! Памолімся за гэта”,
- сказаў Папа, пасля чаго на ватыканскай плошчы запанавала малітоўная цішыня.
Related items
-
Адлучэнне ад царквы, прысуд за адмаўленне Халакоста: хто гэты "каталіцкі біскуп", які падтрымаў Пуціна
-
"Чаму, навошта, калі гэта ўсё скончыцца?" Адказаў біскуп Касабуцкі
-
"40 дзён сядзелі ў склепе касцёла разам з праваслаўнымі". Як жывуць католікі ў суседнім Чарнігаве
-
У Будслаў аднаўляюцца масавыя пешыя пілігрымкі. Першая выйдзе з Баранавічаў
-
Божая Маці сабрала разам у Гомелі католікаў, праваслаўных і ідэолагаў