Гомельскія скаўты правялі «зімнік» у Мазыры - ФОТА
- Written by katolik-gomel.by
- Published in Скаўты - Гомель
- Add new comment
Хлопцы размясціліся ў старадаўнім кляштары цыстэрцыянак і праводзілі Імшу ў касцёле - помніку архітэктуры.
У мінулыя выходныя «звяз» гомельскіх каталіцкіх скаўтаў выехаў у Мазыр, каб там зладзіць свой традыцыйны «зімнік». Каля 20 хлопцаў і дарослых прыняў пробашч мясцовай рыма-каталіцкай парафіі святога Міхала Арханёла айцец Тадэвуш Волас. Скаўты размясціліся ў старадаўнім памяшканні былога кляштара цыстэрцыянак і праводзілі скаўцкую Імшу ў касцёле - помніку архітэктуры.
На працягу двух дзён хлопцы праводзілі скаўцкія гульні на адкрытым паветры, алімпіяды, таксама займаліся духоўнымі разважаннямі ля каміна, арганізавалі начное чуванне ў касцёле. І, вядома, самі рыхтавалі сабе ежу на вогнішчы. У канцы «зімніка» адбылася цырымонія пераводу двух старэйшых скаўтаў у «вандроўнікі» - цяпер яны будуць займацца скаўтынгам па сваім, даросламу шляху.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Помнік беларускаму герою Кастусю Каліноўскаму адкрылі ў Вільні