Беларускія скаўты адправяцца ў Францыю на «Еўраджэм»
- Written by katolik-gomel.by
- Published in Скаўты - Гомель
- Comments (1)
На цэнтральнай падзеі ў жыцці еўрапейскіх скаўтаў збярэцца 10 тысяч хлопцаў і дзяўчат з 20 краін.
У жніўні 2014 года каля горада Мец - сталіцы французскай Латарынгіі - адбудзецца галоўная падзея ў жыцці скаўтаў, што практыкуюць педагогіку FSE - «Еўраджэм» або агульнаеўрапейскі скаўцкі летнік. Плануецца, што ў ім прымуць удзел 10 тысяч хлопцаў і дзяўчат з 20 краін Еўропы і Паўночнай Амерыкі.
Традыцыйна на «Еўраджэм» адправяцца і беларускія скаўты з некалькіх гарадоў. Упершыню ў такой сустрэчы будуць удзельнічаць гомельцы. Праўда, еўрапейскаму летніку папярэднічае сур'ёзная падрыхтоўка на радзіме: «зімнік», «Дзень братэрскай думкі», «вясеннік» і мясцовы летнік.
У якасці дэвізу «Еўраджэма» абраныя словы з псалмоў: Venite et videte - Ідзі і глядзі. Як кажуць арганізатары, гэтыя словы з'яўляюцца запрашэннем знайсці Божыя справы ў свеце і ў нашым жыцці.
Невыпадкова месцам сустрэчы абраны рэгіён каля горада Мец - арэна кровапралітных бітваў падчас 1-й і 2-й сусветных войнаў.
- Сімвалічна, што менавіта тут маладыя людзі з розных краін Еўропы і Паўночнай Амерыкі змогуць сустрэцца, пагутарыць, завесці новых сяброў і паспаборнічаць у духу скаўцкага братэрства, - кажуць арганізатары. - Гэта выдатная магчымасць пазбавіцца ад нацыянальных стэрэатыпаў і завязаць міжнароднае сяброўства падчас мерапрыемстваў на свежым паветры.
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- Пацалунак пад абразом і цягнік з адным вагонам – чым дзеліцца парафія ў глыбінцы
- У Беларусі ўвялі Дзень цяжарных: хто ініцыятар і чаму такія даты