Святар на «Чарнобыльскім шляху»: «Чалавек - не абсалютны гаспадар стварэння»
- Written by Katolik.life
- Published in Соцыум
- Add new comment
Мітынг-малітва завяршыўся выкананнем гімну «Магутны Божа».
У "Чарнобыльскім шляху", які 26 красавіка, у гадавіну катастрофы на ЧАЭС, правяла ў Мінску шырокая грамадскасць, прыняў удзел прадстаўнік Каталіцкай царквы ў Беларусі ксёндз канонік Францішак Рудзь, пробашч сталічнай парафіі Маці Божай Будслаўскай. Пасля хвіліны маўчання ён першым выступіў падчас мітынгу-малітвы і адзначыў, што трагедыя прымушае задумацца і адказна ставіцца да прыроды:
- Трагедыя нагадвае пра тое, што, хоць «мірны атам» можа прыносіць велізарную карысць, аднак падыходзіць да яго трэба з вялікай адказнасцю, як у выпадку аварыі, падобнай да Чарнобыльскай, ад яе наступстваў пакутуе не адно пакаленне. Трагедыя Чарнобыля назаўсёды змяніла жыццё тых людзей, хто быў вымушаны пакінуць "зону адчужэння", і тых, чые родныя загінулі, удзельнічаючы ў ліквідацыі наступстваў аварыі, і тых, хто з-за яе страціў здароўе, - цытуе святара Catholic.by.
Паводле яго слоў, мы павінны памятаць, што чалавек быў створаны не як абсалютны гаспадар стварэння, а як істота, адказная за тое, каб апрацоўваць і берагчы "сад свету".
Каталіцкі Касцёл ўносіць вялікі ўклад у абарону прыроды і чалавечага жыцця, нагадаў святар. У прыватнасці, Папа Францішак выдаў дакумент, прысвечаны абароне створанага Богам свету - дакумент быў прыняты напярэдадні візіту ў Рым ліквідатараў катастрофы на Чарнобыльскай АЭС, сярод якіх былі таксама беларусы.
Мітынг завяршыўся выкананнем беларускага хрысціянскага гімна «Магутны Божа».
Related items
- З 7 дзецьмі пасля 25 сутак вядомы прапаведнік пакінуў Беларусь
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Папа Рымскі прыняў у Ватыкане шамана – той папрасіў аб дапамозе
- У Беларусі ўвялі Дзень цяжарных: хто ініцыятар і чаму такія даты