У Беларусі распачалі збор подпісаў супраць ЛГБТ-прапаганды
- Written by Katolik.life
- Published in Соцыум
- Add new comment
Зварот будзе накіраваны прэзідэнту Беларусі.
Дабрачынны фонд «Адкрытыя сэрцы» абвясціў аб зборы подпісаў супраць адкрытай і прыхаванай прапаганды ЛГБТ-супольнасці ў беларускай прэсе (ЛГБТ - абрэвіятура з англійскай мовы ад: лезбіянкі, геі, бісексуалы і трансгендары).
Прэзідэнту Беларусі будзе накіраваны зварот з просьбай разглядзець пытанне прыняцця закона аб забароне прапаганды гомасексуалізму і іншых формаў нетрадыцыйных сексуальных паводзін сярод няпоўнагадовых. Тэкст звароту быў прыняты падчас сустрэчы беларускіх пралайф-арганізацый у Мінску, паведамілі Katolik.life ініцыятары кампаніі.
- Мы лічым, што такая забарона не можа з’яўляцца ўшчамленнем правоў і свабоды кагосьці, бо не абмяжоўвае нікога ў яго асабістым жыцці, а наадварот, абараняе права бацькоў на выхаванне ўласных дзяцей у здаровай і бяспечнай атмасферы, - гавораць аўтары звароту.
Пралайферы заклікаюць усіх неабыякавых людзей добрай волі далучацца да гэтай акцыі. Збор подпісаў трывае толькі да 21 чэрвеня, і пасля гэтага зварот будзе накіраваны прэзідэнту.
Усе, хто рэальна хоча далучыцца да збору подпісаў, могуць звярнуцца да арганізатараў за больш поўнай інфармацыяй па тэлефонах: +375 29 306 22 22 (МТС), +375 33 306 22 22 (vel). Таксама можна пісаць на электронную пошту фонда «Адкрытыя сэрцы»: prolife.belarus@gmail.com
Related items
- Ці ўступаць у піянеры, спыталі ў вернікаў – частка адказаў здзівіла
- Не святар: разабралі памылковую інфармацыю пра затрыманне верніка ў Омску
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- З 7 дзецьмі пасля 25 сутак вядомы прапаведнік пакінуў Беларусь