Пралайферы Беларусі распрацоўваюць закон аб абароне сям'і, мацярынства і дзяцінства

Каардынацыйная Рада грамадскіх прасямейных сіл Беларусі, у які ўваходзяць арганізацыі, фонды і грамадскія аб'яднанні з розных гарадоў краіны, пачала дзейнасць па распрацоўцы закона аб абароне сям'і, мацярынства і дзяцінства. Пры гэтым мінімальная задача працы пралайфераў - унесці прапановы па змяненні заканадаўства ў плане абароны сям'і.

План падрыхтоўкі магчымага закона разбіты на блокі, сярод якіх:

- Сям'я як суб'ект права: правы і абавязкі;

- Гарантыі матэрыяльнай дзяржпадтрымкі сям'і;

- Абарона мацярынства (рэпрадуктыўнага здароўя, пытанні родадапамогі, скланенне да аборту і г.д.);

- Дзяржаўныя гарантыі (ахова) цэласнасці сям'і (адабранне дзяцей і інш. чальцоў сям'і, персанальная крымінальная адказнасць за неабгрунтаванае адабранне дзяцей);

- Каардынацыя дзяржорганаў і грамадскіх арганізацый у комплекснай падтрымцы сям'і;

- Дзяржаўныя адукацыйныя праграмы (бацькоўства і выхавання дзяцей), рэфармацыя сістэмы адукацыі (сямейная адукацыя).

Абмеркаванне працы над магчымым законам запланавана на сустрэчы Рады 30 лістапада ў Магілёве. Нагадаем, нядаўна пралайферы Беларусі сабралі звыш 6 тыс. подпісаў за перагляд канцэпцыі законапраекта «Аб супрацьдзеянні хатняму гвалту».