Адмовіцца ад тролінга і хэйтынгу заклікаў Папа ў Вялікі пост
- Written by Katolik.life
- Published in Соцыум
- Add new comment
Ёсць вельмі шмат праху, які забруджвае любоў і робіць жорсткім жыццё, адзначыў Францішак
У сваёй катэхезе падчас агульнай аўдыенцыі ў Папялец, першы дзень Вялікага посту, Пантыфік заклікаў вернікаў адправіцца на духоўную пустыню.
- Вялікі пост - гэта спрыяльны час для стварэння месца Божаму слову. Гэта час, калі трэба выключыць тэлевізар і разгарнуць Біблію. Калі я быў малы, не было тэлевізару, але існавала звычка адмаўляцца ад радыё. Вялікі пост - гэта час для пустыні. Гэта час, каб адарвацца ад смартфона і “падлучыцца” да Евангелля. Гэта час, каб адмовіцца ад непатрэбных слоў, ад распаўсюджвання чутак, абгаворвання, пляткарства, каб размаўляць з Панам на “ты”. Гэта час, які трэба прысвяціць здаровай экалогіі душы, навядзенню парадку ў ёй”, - сказаў Святы Айцец.
Папа падкрэсліў, што “мы жывём у асяроддзі, празмерна забруджаным вербальным насіллем, рэкламай і каварнымі паведамленнямі”.
У той жа дзень падчас св. Імшы, Папа адзначыў:
- Мы працягваем знішчаць сябе, вяртацца да праху! Колькі праху ёсць у нашых адносінах! Зазірнём у нашы дамы, у нашы сем’і: колькі сварак, колькі няздольнасці вырашаць канфлікты, прасіць прабачэння, прабачаць, пачынаць спачатку. У той жа час, з якой лёгкасцю мы выстаўляем прэтэнзіі, патрабуем правоў для сябе. Ёсць вельмі шмат праху, які забруджвае любоў і робіць жорсткім жыццё. Нават у Касцёле, у Божым доме, мы назбіралі шмат праху, праху марнасці.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Месяцовае і сонечнае гало назіралі беларусы ў Вялікі тыдзень
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Набірае папулярнасць канал сельскага святара: для пропаведзі ён рамантуе ГАЗ, «прымае пацыентаў»