Спірыдон замест Хрыста. У праграме беларускага ТБ няма віншавання католікаў з Раством
- Written by KATOLIK.LIFE
- Published in Соцыум
- Add new comment
Замест традыцыйнага віншавання арцыбіскупа Кандрусевіча 25 снежня - выступ праваслаўнага мітрапаліта Веніяміна
Беларускія дзяржаўныя тэлеканалы не запланавалі ніякіх святочных перадач на 25 снежня, калі католікі і хрысціяне пратэстанцкай канфесіі будуць адзначаць Раство Хрыстова. Традыцыйна раніца пачыналася 25 снежня ў эфіры тэлеканала «Беларусь 1» віншавальным словам арцыбіскупа Тадэвуша Кандрусевіча. Так было, у тым ліку, і летась. А ў гэты раз у праграме перадач «Беларусь 1» 25 снежня ў 05:55 запланаваны... выступ праваслаўнага Мітрапаліта Веніяміна на дзень памяці свяціцеля Спірыдона (дарэчы, гэты святой шануецца і Каталіцкай царквой).
У праграме ОНТ і іншых каналаў таксама ніякіх тэматычных перадач на Божае Нараджэнне не запланавана - як і па Першым канале беларускага радыё. Аднак адзначым, што напярэдадні Раства, увечары 24 снежня, на Вігілію, у праграме «Беларусь 1» у 21.45 - прамая трансляцыя святочнай святой Імшы («Пастэркі»). З якога касцёла - не ўдакладняецца. Затым - святочная служба з Ватыкана з удзелам Папы Францішка.
Нагадаем, арцыбіскуп Тадэвуш Кандрусевіч вымушаны знаходзіцца ў выгнанні ўжо амаль чатыры месяцы: улады не ўпусцілі яго ў Беларусь і прызналі яго пашпарт несапраўдным. Але ў Мінску працягвае служыць біскуп Юрый Касабуцкі, генеральны вікарый Мінска-Магілёўскай архідыяцэзіі.
Related items
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы