Эміля Чэчка пахавалі ў Даўгінава побач з удзельнікамі польска-бальшавіцкай вайны
- Written by KATOLIK.LIFE
- Published in Соцыум
- Add new comment
Пахавальнае набажэнства правёў каталіцкі святар
Польскага вайскоўца Эміля Чэчка 5 траўня пахавалі ў вёсцы Даўгінава Вілейскага раёна Мінскай вобласці. Ён дэзерціраваў у снежні 2021 года, перайшоў мяжу з Беларуссю і папрасіў тут прытулку. Ваенны рабіў публічныя заявы аб тым, што яго прымушалі «расстрэльваць сотні бежанцаў» на мяжы. У сакавіку 2022 года маладога чалавека знайшлі мёртвым. Прычына смерці дагэтуль не паведамляецца, адна з версій - суіцыд.
Пахаванне адбылося толькі праз паўтара месяца. Пахавальнае набажэнства правёў каталіцкі святар, паведамляе дзяржаўная прэса. А пахавалі Эміля на старых вайсковых могілках - побач з магіламі воінаў, якія загінулі пры польска-бальшавіцкай вайне 1919-1921 гг.
Гэтая вайна стала гістарычнай для Еўропы: польскім войскам удалося не дапусціць у Варшаву войскі бальшавікоў, якія хацелі распаўсюдзіць рэвалюцыю Леніна на іншыя краіны кантынента. Таксама гэтая вайна стала лёсавызначальнай для Беларусі, якую падзялілі на ўсходнюю і заходнюю.
Вядома, што грошы на аднаўленне магіл салдат вылучаў польскі бок. Прадстаўнікоў Польшчы на пахаванні Эміля Чачко і ягоных сваякоў не было. Раней могілкі наведвалі польскія дыпламаты з нагоды 100-годдзя Варшаўскай бітвы.
Related items
- Загадкавую смерць манахіні расследуюць у Гомелі
- «Даведаўся, што ксёндз мае "жонку" і дзяцей». Што з гэтым рабіць, пытае вернік
- Набірае папулярнасць канал сельскага святара: для пропаведзі ён рамантуе ГАЗ, «прымае пацыентаў»
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Помнік беларускаму герою Кастусю Каліноўскаму адкрылі ў Вільні