Названа «лепшае фота» з палярным ззяннем – над прыдарожным крыжам

З вечара 11 траўня другую ноч запар жыхары краін Еўропы, у тым ліку Беларусі, назіраюць паўночнае ззянне (палярнае ззянне або aurora). Нагадаем, вельмі яркае свячэнне – з-за наймагутнай магнітнай буры – многія засянлі напярэдадні і падзяліліся прыгожымі фота ззяння, таксама над храмамі >

Новыя здымкі з палярным ззяннем зрабілі, у прыватнасці, у Брэсце. А тым часам у сацсетках заявілі, што знайшлі найлепшае фота з «Аўрорай» – гэты здымак зроблены на Падляшшы, у гісторыка-геаграфічнай вобласці на беларуска-польскім памежжы. Фота абмяркоўваюць у польскіх пабліках, але без указання аўтара і канкрэтнага месца здымкі.

На фота – каталіцкі прыдарожны крыж з укрыжаваным Езусам Хрыстом у сельскім населеным пункце. «Стварыцель і яго праца ў адной карціне», – напісаў адзін з карыстальнікаў.

Наш канал в Telegram – только интересное и важное. Подписаться >