Упершыню беларускі біскуп адкрыў старонку ў «Фэйсбуку»

Жнівень 6, 2015
Written by katolik-gomel.by
Published in Царква
Comments (1)

У самага маладога каталіцкага біскупа краіны ўжо 640 сяброў у сацсетцы.

Самы малады біскуп Каталіцкага Касцёла Беларусі Аляксандр Яшэўскі 6 жніўня адзначае свой 41-ы Дзень нараджэння. Нагадаем, у чэрвені Папа Францішак прызначыў айца Аляксандра Яшэўскага SDB дапаможным біскупам Мінска-Магілёўскай архідыяцэзіі. З гэтага ж часу малады біскуп вядзе свой летапіс ў сацсетцы «Фэйсбук». Ён стаў першым у Беларусі біскупам, які адкрыў сваю старонку ў сацсетках.

6 жніўня на старонцы біскупа з'явіліся ўжо дзесяткі віншаванняў з Днём нараджэння. Прычым на кожнае з іх біскуп адказаў і падзякаваў. А ў цэлым у біскупа Аляксандра Яшэўскага ўжо 640 віртуальных сяброў. Нагадаем, Папа Францішак не раз казаў аб неабходнасці евангелізацыі ў інтэрнэце.

Дарэчы, у бліжэйшыя дні біскуп пачне знаёмства з Магілёўскім дэканатам і пабывае ў мясцовых парафіях.

Tagged under

Related items