Вечныя шлюбы склала сястра ў Гудагаі
- Written by katolik-gomel.by
- Published in Царква
- Add new comment
Сястра Марыя Вераніка аддала любячаму Хрысту ўсё сваё жыццё.
Месяц верасень стаў асаблівым часам для сястры Марыі Веранікі ад Божай Міласэрнасці: у апошнія дні месяца яна склала вечныя манаскія абяцанні ў санктуарыі Маці Божай Шкаплернай у Гудагаі. Законніца належыць да Кангрэгацыі Сясцёр Кармэлітак ад Дзіцятка Езус, заснавальнікамі якой з’яўляюцца а. Анзэльм ад св. Андрэя Гарсіні і Марыя Тэрэза ад св. Юзафа (Тэрэза Керацінская).
Супольнасць нарадзілася на тэрыторыі Польшчы і распаўсюдзілася ў шматлікіх краінах, у тым ліку ў Беларусі.
Радасць з законніцай прыйшлі падзяліць вернікі гудагайскай парафіі, блізкія і знаёмыя сястры, манахіні беларускіх супольнасцяў і прадстаўнікі сясцёр кармэлітак з Польшчы на чале з с. Імэльдай Квяткоўскай, дэлегаткай генеральнай рады, на рукі якой с. Вераніка склала вечныя манаскія абяцанні.
Усе хрысціяне пакліканы да святасці, якая базуецца на дасканалай Любові, і праз моц Святога Духа кожны ахрышчаны таксама пакліканы захоўваць чыстасць, убоства і паслухмянасць, уласцівую яго стану жыцця. Аднак Езус падчас свайго зямнога жыцця больш цесна навязваў адносіны з некаторымі сярод сваіх вучняў і паклікаў іх, каб яны не толькі прынялі Божае Валадарства, але і каб аддалі сваё існаванне дзеля гэтай справы, пакідаючы ўсё і верна наследуючы Яго спосаб жыцця.
Склаўшы манаскія абяцанні, законная сястра абавязана практыкаваць тры евангельскія парады: чыстасць, убоства і паслухмянасць, цалкам аддаючыся ва ўласнасць па-над усё любячаму Богу.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Штосьці незвычайнае зладзілі ў мінскім касцёле: набажэнства спалучылі з перфомансам