Google павіншаваў з Жаночым днём нават манахінь

Найбуйнейшы пошукавік Google размясціў 8 сакавіка над полем для запісу пошукавых словаў тэматычную карцінку, прысвечаную Міжнароднаму жаночаму дню. Gif-ілюстрацыя ўключае малюнак жанчын розных узростаў і роду заняткаў, у тым ліку - манахіню.

Каля кожнага персанажа (таксама - дзеці, падлеткі, бабулі) намаляваны падарунак, пра які марыць жанчына. Google палічыў, што манахіня марыць пра кнігу.

Нагадаем, каталіцкі святар пажадаў жанчынам быць як Панна Марыя, а Папа Францішак адзначаў, што жанчыны адчуваюць свет адкрытым сэрцам.