На даху Чырвонага касцёла ў Мінску пасялілі гарадскіх пчол
- Written by katolik.life
- Published in Царква
- Comments (4)
У міні-пчальніку жывуць 60 тысяч насякомых, якія не джаляць людзей [відэа]
Міні-пчальнік з'явіўся на даху Чырвонага касцёла ў Мінску - візітнай карткі горада. Нагадаем, у 2015 годзе пробашч каталіцкай парафіі святых Сымона і Алены ксёндз Уладзіслаў Завальнюк распавёў аб сваёй незвычайнай ідэі, якую падтрымаў Мінсельгасхарч Беларусі. Аднак неўзабаве з'явілася інфармацыя аб пераносе даты адкрыцця пчальніка на нявызначаны тэрмін, па неафіцыйнай інфармацыі - з-за негатыўнай ацэнкі ініцыятывы мясцовымі ўладамі.
І вось міні-пчальнік на даху Чырвонага касцёла з'явіўся, сюжэт пра гэта паказаў тэлеканал «Беларусь1». У цэнтры беларускай сталіцы, на плошчы Незалежнасці, у пяці вуллях пасялілі 60 тысяч пчол, якія збіраюць нектар з гарадскіх раслін. Паведамляецца, што пчальнікі даўно размяшчаюць на дахах мегаполісаў ва ўсім свеце, у прыватнасці, у Лондане, Парыжы, Дубліне, Нью-Ёрку. А цяпер гарадское пчалярства пачалі развіваць і ў Мінску - дзякуючы каталіцкаму святару.
Раней паведамлялася, што на даху касцёла паселяць пчол пароды карпатка, якая адрозніваецца міралюбнасцю і не джаліць людзей. Дзякуючы міні-пчальніку пробашч будзе вызначаць якасць гарадскога мёду і праводзіць экскурсіі для жадаючых пазнаёміцца з жыццём незвычайнага гарадскога сямейства.
- Пчолы - гэта самы важны элемент у захаванні багацця расліннага свету, - лічыць кс. Уладзіслаў Завальнюк.
Media
Related items
- Флэшмоб This is Belarus сабраў 100 тысяч фота і відэа – таксама з Будслава
- З паходнямі і ў касцюмах: вуліцамі гарадоў Беларусі правялі Крыжовы шлях
- Месяцовае і сонечнае гало назіралі беларусы ў Вялікі тыдзень
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў