Будынак Апостальскай нунцыятуры адкрылі ў Мінску: чакаем Папу ў Беларусі
- Written by katolik.life
- Published in Царква
- Add new comment
Беларусь удзячная Ватыкану за канструктыўны падыход да захавання міжканфесійнай згоды.
4 кастрычніка ў Мінску ўрачыста адкрылі новы будынак Апостальскай нунцыятуры - напярэдадні 25-годдзя ўстанаўлення дыпламатычных адносін паміж Ватыканам і Беларуссю. У цырымоніі прынялі ўдзел намеснік Дзяржсакратара Святога Пасаду Джавані Анджэла Беччу, Апостальскі нунцый у Беларусі арцыбіскуп Габар Пінтэр, Мітрапаліт Мінска-Магілёўскі арцыбіскуп Тадэвуш Кандрусевіч, міністр замежных спраў Беларусі Уладзімір Макей, Упаўнаважаны па справах рэлігій і нацыянальнасцяў Леанід Гуляка, акрэдытаваныя ў Беларусі паслы іншых дзяржаў, а таксама прадстаўнікі розных канфесій: кіраўнік Беларускай праваслаўнай царквы Мітрапаліт Павел, старшыня Мусульманскага рэлігійнага аб'яднання ў Беларусі муфтый Абу-Бекір Шабановіч.
- Мы і далей жадаем сумесна працаваць на агульнае дабро, каб гэты свет станавіўся найлепшым для кожнага чалавека, - адзначыў ва ўрачыстай прамове Апостальскі нунцый. - Спадзяемся, што ў недалёкай будучыні з'явіцца магчымасць зноў сабрацца разам па яшчэ больш важнай прычыне, калі Папа Рымскі Францішак зможа наведаць Беларусь і асабіста адчуць дабрыню і гасціннасць беларускага краю.
Кіраўнік МЗС выказаў удзячнасць Ватыкану за «канструктыўны і ўзважаны падыход да захавання міжканфесійнай згоды»:
- Нас збліжаюць аднолькавыя падыходы да пытанняў забеспячэння міру і стабільнасці, сацыяльнай справядлівасці. І мы разам працуем над захаваннем традыцыйных каштоўнасцяў. Мы ўдзячныя за канструктыўны і ўзважаны падыход Рымска-каталіцкай царквы да захавання міжканфесійнай згоды ў Беларусі, да імкнення вырашаць магчымыя пытанні шляхам дыялогу, для якога характэрныя ўзаемная павага і разуменне, - цытуе Уладзіміра Макея прэс-служба МЗС.
Related items
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Без цуду, але з падтрымкай: як «Радыё Марыя» выходзіць з цяжкай сітуацыі
- Папа Рымскі прыняў у Ватыкане шамана – той папрасіў аб дапамозе