Міс свету на калясцы стала хрысціянская верніца з Беларусі
- Written by katolik.life
- Published in Царква
- Comments (1)
Аляксандра Чычыкава: «Я гаварыла з Богам і заўсёды адчувала, што Ён побач».
23-гадовая студэнтка педагагічнага універсітэта, мінчанка Аляксандра Чычыкава выйграла конкурс «Miss Wheelchair World 2017» сярод дзяўчат у інвалідных вазках. 7 кастрычніка ў Варшаве абвясцілі першую сусветную прыгажуню і надзелі карону дзяўчыне з Беларусі. Яна была прызнана лепшай сярод 25 канкурсантак, якія выйшлі ў фінал.
Аляксандра нарадзілася здаровай, але ў 17 гадоў выпала з трэцяга паверху, атрымала сур'ёзную траўму і з тых часоў не можа хадзіць. Аднак яна не перажывала гэта як трагедыю, у гэтым дзяўчыне дапамагло тое, што яна з хрысціянскай сям'і, прызналася Саша:
- Цудоўна, што наша сям'я веруючая. У той перыяд мне вельмі дапамаглі жывыя зносіны з Богам. Калі ты ляжыш і кажаш, як на самой справе, тое, што ёсць. Я гаварыла з Богам і заўсёды адчувала, што Ён побач, ніколі мяне не пакідае і рэальна падтрымлівае. Не сказала б, што ў мяне была моцная дэпрэсія. Памятаю, што мы маліліся з татам, каб прыйшло разуменне, чаму так адбылося. Такое проста так не здараецца, - распавядала дзяўчына. - У мяне была моцная падтрымка маёй сям'і і царквы, якая за мяне малілася. Я веруючы чалавек і веру ў тое, што Бог дае сілы. Ён дае разуменне таго, што адбываецца. Гэтая падтрымка ўмацавала мяне, мой дух. Я зразумела, што магу далей працягваць жыць. Я веру, што чалавек - гэта не проста кавалак мяса, набор клетак, а стварэнне, у якога ёсць сэнс і мэта ў жыцці, і ўсё, што з чалавекам адбываецца, хай нават на першы погляд нядобрае, здараецца не проста так.
Media
Related items
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Не фэйкі і не хакеры: «Радыё Марыя» працягвае збор і тлумачыць непаразуменні