У Мінску католікі правялі працэсію з фігурай Божай Маці
- Written by katolik.life
- Published in Царква
- Add new comment
Статуя-пілігрым пераадолела ў Беларусі шлях даўжынёй каля 5 тысяч кіламетраў.
15 кастрычніка ў Мінску адбылася працэсія каталіцкіх вернікаў з фігурай Маці Божай Фацімскай. Святыня вярнулася ў мінскі архікатэдральны касцёл пасля гадавой перэгрынацыі па парафіях архідыяцэзіі. У працэсіі, якая прайшла па цэнтральных вуліцах сталіцы Беларусі, прынялі ўдзел сотні вернікаў. Супрацоўнікі міліцыі суправаджалі шэсце.
Нагадаем, перэгрынацыя фігуры Божай Маці праходзіла ў сувязі са 100-годдзем Аб'яўленняў Панны Марыі ў партугальскай Фаціме.
Працэсію ўзначаліў мітрапаліт Тадэвуш Кандрусевіч. Падчас сваёй гаміліі ён адзначыў, што «статуя-пілігрым, пасля таго, як пераадолела шлях даўжынёй каля 5 тысяч кіламетраў, вяртаецца ў мінскую катэдру, каб тут застацца назаўсёды»:
- Дзякуем Табе, Марыя, што ў сваёй фацімскай фігуры Ты захацела наведаць нас у гэты асаблівы час гісторыі нашай краіны і свету, каб абудзіць у нас, людзях ужо XXI стагоддзя, якія часта жывуць так, як быццам Бог не існуе, дух малітвы і навяртання і ўдыхнуць новую надзею.
Фота: БЕЛАПАН
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад