Беларуская ГКЦ прыме ўдзел у сустрэчы біскупаў усходніх цэркваў Еўропы
- Written by Katolik.life
- Published in Царква
- Add new comment
У Італіі збяруцца прадстаўнікі 12-ці ўсходніх каталіцкіх цэркваў кантынента.
Сустрэча біскупаў усходніх каталіцкіх цэркваў Еўропы адбудзецца 14-17 чэрвеня ў Італіі. Форум у горадзе Лунгра збярэ біскупаў і духавенства - прадстаўнікоў 12-ці ўсходніх каталіцкіх цэркваў Еўропы, а таксама гасцей з Ватыкана, паведамілі Katolik.life у Радзе еўрапейскіх біскупскіх канферэнцый.
Сярод удзельнікаў - прадстаўнікі Беларускай, Чэшскай, Казахстанскай, Украінскай, Венгерскай грэка-каталіцкай цэркваў, а таксама Армянскай і іншых цэркваў Еўропы.
Ва ўлонні Каталіцкай Царквы існуюць Памесныя Цэрквы, якія знаходзяцца ў поўнай еднасці з Рымскім Касцёлам, але якія адрозніваюцца ад лацінскай Каталіцкай Царквы рознымі формамі літургічнага культу і народнай пабожнасці, сакраментальнай і кананічнай дысцыплінамі, тэрміналогіяй і багаслоўскімі традыцыямі.
Першая сустрэча біскупаў усходніх каталіцкіх цэркваў Еўропы адбылася ў 1997 годзе. Пачынаючы з 2009 года гэтыя сустрэчы праходзяць пад патранатам Рады еўрапейскіх біскупскіх канферэнцый.
Грэка-каталіцкая царква Беларусі налічвае каля 20 прыходаў і да 10 тыс. вернікаў. Кіраўніцтва штодзённым жыццём Царквы ажыццяўляе Апостальскі Візітатар для грэка-католікаў Беларусі архімандрыт Сяргей Гаек.
Related items
- Папа Римский не приедет на мирный саммит в Швейцарии без участия России. Это правда?
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Ці ўступаць у піянеры, спыталі ў вернікаў – частка адказаў здзівіла
- Не святар: разабралі памылковую інфармацыю пра затрыманне верніка ў Омску
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне