«А чаму не?» У Славакіі пасля службы ў храме парафіянаў частуюць півам
- Written by Katolik.life
- Published in Царква
- Add new comment
У сельскай царкве ўсталяваны кранік з пенным напоем, каб зблізіць вернікаў. А як вы ставіцеся да ідэі?
У сацсетках, у тым ліку на беларускіх старонках, праходзіць дыскусія адносна новаўвядзенні славацкага святара. У вясковай царкве ў Славакіі святар усталяваў... кранік з півам. Гаворка ідзе пра храм святога Лукі ў сяле Склене-Цепліцэ, піша славацкая прэса.
Айцец Віт Тужынскі, якому належыць ідэя, патлумачыў яе так: у часы ранняга хрысціянства людзі не сыходзілі з храма адразу пасля службы, а заставаліся, каб разам паесці, выпіць, пагутарыць.
Некаторыя са старэйшага пакалення асудзілі новаўвядзенне, бо лічаць, што падобнаму - не месца ў святыні. Але пробашч упэўнены, што нічога дрэнна ў яго ідэі няма, і прыводзіць словы апостала Паўла з Першага паслання да Карынфянаў у Новым Запавеце: «Дык жа, ці ясце, ці п'яце, ці іншае што робіце, усё рабіце на славу Божую».
З дапамогай піва, якое лічыцца ў гэтых месцах традыцыйным напоем, святар спадзяецца зблізіць мясцовых жыхароў. Дарэчы, краніка ўсталявана два, адзін з іх - з безалкагольным напоем. За налітыя куфлі людзі пакідаюць ахвяраванні, складаючы грошы ў кубак.
Related items
- Ватыкан не паведамляў аб адмове Папы Рымскага ад удзелу ў мірным саміце па Украіне
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Ці ўступаць у піянеры, спыталі ў вернікаў – частка адказаў здзівіла