Ксёндз-байкер у Гудагаі адслужыць Імшу па загінулых мотабратах
- Written by Katolik.life
- Published in Царква
- Add new comment
«Роўных нябесных дарог усім, хто сышоў на вечную трасу!»
У аўторак, 25 верасня, у 19.00 у гудагайскім санктуарыі Маці Божай Шкаплернай пройдзе святая Імша ў інтэнцыі ўсіх загінулых матацыклістаў. На службе збяруцца мясцовыя байкеры, а адслужыць Імшу айцец Пётр, які сам з'яўляецца ўдзельнікам байкерскага руху.
- Пасля службы запусцім у неба падпаленыя ліхтарыкі - як сімвал памяці пра загінулых мотабаратоў і сёстраў, якія, на жаль, больш не з намі. Вечар памяці завершыцца сяброўскімі стасункамі за гарачай гарбатай у гасцях у ксяндза Пятра, - гаворыцца на старонцы супольнасці No limits у сацсетцы. - Роўных нябесных дарог усім, хто сышоў на вечную трасу! І хай беражэ Бог нас з вамі!
Вёска Гудагай знаходзіцца ў Астравецкім раёне Гродзенскай вобласці. Касцёл Адведзінаў Найсвяцейшай Панны Марыі вядомы сваім цудатворным абразом Маці Божай Шкаплернай, да якой прыходзяць шматлікія пілігрымы.
Збор жадаючых з'ездзіць на Імшу - на АЗС «Беларуснафта» на «атамскай аб'язной» у 18.30 у Астраўцы.
No limits - гэта супольнасць матацыклістаў, якая імкнецца развіваць байкерскі рух, любіць мотападарожжы і актыўны мотаадпачынак, вывучае гісторыю роднага краю, народныя традыцыі.
Дарэчы, сярод каталіцкіх святароў таксама ёсць байкеры. Напрыклад, на днях у Лепелі Віцебскай вобласці мясцовы ксёндз-байкер сабраў больш за 50 матацыклістаў на Дзень горада.
Related items
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Набірае папулярнасць канал сельскага святара: для пропаведзі ён рамантуе ГАЗ, «прымае пацыентаў»
- Абяцаныя працы не пачаліся. Паўтара гады, як зачынены Чырвоны касцёл у Мінску
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў