У Вялікі чацвер святары адзначылі «прафсвята» [фота]
- Written by Katolik.life
- Published in Царква
- Add new comment
«Маліцеся за нас, каб мы вытрымалі», - заклікаў біскуп Казімір Велікаселец
У Вялікі чацвер, калі пачынаецца Пасхальны Трыдуум, усе каталіцкія святары адзначаюць сваё «прафесійнае свята». Бо ў гэты дзень Гасподзь Езус Хрыстус устанавіў не толькі сакрамэнт Эўхарыстыі, але і святарства. З гэтай нагоды святары збіраюцца на спецыяльную святую Імшу Хрызма, падчас якой біскуп прымае абнаўленні абяцанняў святароў і асвячае алей для хросту і для памазання хворых.
У гомельскім касцёле ў Вялікі чацвер сабраліся святары рэгіёну, святую Імшу Хрызма адслужыў біскуп Казімір Велікаселец. Ён заклікаў вернікаў не забываць маліцца за святароў і аб новых пакліканнях.
- Злы дух больш за ўсё спакушае менавіта святароў. Аднак у нас ёсць дзейсны метад барацьбы з ім - гэта малітва. Маліцеся за нас, каб мы вытрымалі. Хрыстос паклікаў 12 апосталаў, але адзін з іх аказаўся здраднікам. А самая галоўная малітва - гэта святая Імша, падчас якой моліцца сам Езус Хрыстус, - нагадаў біскуп.
Увечары ў каталіцкіх храмах пройдзе святая Імша Вялікага Чацвярга, якой пачынаецца святкаванне Вялікадня - Уваскрэсення Хрыстова. Падчас службы адбудзецца спецыяльная літургія абмывання ног, падчас якой святары, па прыкладзе Езуса, абмыюць ногі парафіянам - у знак любові і гатоўнасці служыць.
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- На «гучныя» службы ў касцёле паскардзіўся жыхар Смаргоні. Што яму адказалі?
- Не фэйкі і не хакеры: «Радыё Марыя» працягвае збор і тлумачыць непаразуменні
- «Даведаўся, што ксёндз мае "жонку" і дзяцей». Што з гэтым рабіць, пытае вернік
- «Каб гэтае заданне я выканаў добра». Новы біскуп і вернікі пракаментавалі падзею