«Ён нам як родны». У Міёрах католікі збіраюць подпісы за святара
- Written by Katolik.life
- Published in Царква
- Add new comment
Вернікі так любяць свайго пробашча, што просяць біскупа не пераводзіць яго ў іншую парафію
Зварот да міёрскіх каталіцкіх вернікаў апублікавалі ў мясцовых групах у сацсетках.
- У нашай парафіі непрыемная навіна: ксяндза Кшыштафа Міянкіну пераводзяць служыць ў іншую парафію. Многія з нас перажылі з яго ўдзелам шмат прыемных і цяжкіх момантаў жыцця. Пад яго кіраўніцтвам усе мы духоўна раслі, атрымоўвалі духоўную адукацыю як дзеткі, так і дарослыя. Вёўся рамонт святыні. Многія дзеці скарысталіся магчымасцю адпачыць за мяжой. Ксендз Кшыштаф заўседы падрымоўвае творчую моладзь і з’яўляецца арганізатарам творчых конкурсаў і фестываляў, - пішуць аўтары.
Ініцыятары запрашаюць усіх неабыякавых людзей, якія хацелі б каб і надалей ксёндз Кшыштаф заставаўся пробашчам міёрскай парафіі, паставіць свой подпіс пад зваротам да Яго Эксцэленцыі біскупа Віцебскай дыяцэзіі Алега Буткевіча. Паведамляецца, што лісты для подпісаў знаходяцца ў канцы касцёла ля кіёска.
- Было б вельмі карысна, калі б хтосьці сабраў подпісы на месцы працы або жыхарства. Гэта трэба зрабіць вельмі хутка, - дадаюць парафіяне.
- Ён стаў нам як родны! - пішуць вернікі ў іншай групе.
- Прыходзіць у касцёл трэба да Езуса, а не да святара. А прывязвацца да пробашча - шкодна і для яго самога, і для вернікаў, - лічаць іншыя.
Media
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Без цуду, але з падтрымкай: як «Радыё Марыя» выходзіць з цяжкай сітуацыі