Арцыбіскуп Кандрусевіч заклікаў не занядбоўваць беларускую мову
- Written by Katolik.life
- Published in Царква
- Add new comment
Гаворка ідзе аб цэлебрацыі літургіі, евангелізацыі і катэхізацыі
20 лютага на сустрэчы духавенства і кансэкраваных асобаў, якія нясуць служэнне ў парафіях Мінскай вобласці, арцыбіскуп Тадэвуш Кандрусевіч нагадаў, што 21 лютага адзначаецца Міжнародны дзень роднай мовы. Старшыня Канферэнцыі каталіцкіх біскупаў у Беларусі прапанаваў святарам падчас набажэнстваў памаліцца аб развіцці роднай мовы, а таксама заклікаў не занядбоўваць яе ў цэлебрацыі літургіі, у евангелізацыі і катэхізацыі, піша Catholic.by.
Нагадаем, афіцыйная мова Каталіцкай царквы ў Беларусі - беларуская, аднак у некаторых рэгіёнах існуе практыка частага ўжывання ў літургіі іншых моваў. У парафіях Гарадзеншчыны стаіць пытанне аб частым выкарыстанні польскай мовы. А на ўсходзе краіны, у прыватнасці, у Гомельскай вобласці, мовай літургічных чытанняў, казанняў, евангелізацыі і катэхізацыі часта становіцца руская.
Трэба адзначыць, што рускую мову ў душпастырстве нярэдка сталі выкарыстоўваць святары і з заходніх, цэнтральных рэгіёнаў Беларусі.
У той жа час ёсць прыклады польскіх святароў, якія за час служэння ў Беларусі дасканала авалодалі беларускай мовай і стала ўжывалі яе падчас набажэнстваў і ў стасунках з парафіянамі.
Related items
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Набірае папулярнасць канал сельскага святара: для пропаведзі ён рамантуе ГАЗ, «прымае пацыентаў»
- Абяцаныя працы не пачаліся. Паўтара гады, як зачынены Чырвоны касцёл у Мінску
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў