Неаготыка: паглядзіце, якая капліца можа з'явіцца на могілках у Мінску
- Written by KATOLIK.LIFE
- Published in Царква
- Add new comment
Святыню плануюць пабудаваць насупраць праваслаўнай царквы па дарозе да крэматорыя
На Паўночных могілках сталіцы, ля вёскі Якубавічы Мінскага раёну, плануецца будоўля каталіцкай капліцы Божай Міласэрнасці. Аўтар праекту святыні ў неагатычным стылі - архітэктар, гісторык Аляксей Яроменка. Па праекце гэтага архітэктара зараз вядзецца будаўніцтва касцёла святога Яна Хрысціцеля ў Серабранцы ў Мінску.
- Па капліцы цяпер вядуцца праектныя работы. Прапанаваны кавалачак зямлі насупраць праваслаўнай царквы па дарозе да крэматорыя. Будоўля можа пачацца пасля таго, як праект зацвердзіць дзяржэкспертыза, - паведаміў Katolik.life пробашч парафіі святога Казіміра ў Стоўбцах ксёндз Ігар Лашук, які будзе займацца будоўляй.
Можна паўдзельнічаць ў будоўлі, ёсць пэўныя прапановы і магчымасці, напісаў святар у сваім Фэйсбуку. У каментарах узнікла невялікая дыскусія. Аляксандр Гелагаеў выказаў шкадаванне, «што гэта не будзе вялікі касцёл з новай парафіяй». Іван Лубінскі адказаў:
- Калі гэта капліца будзе каля дарогі, туды змогуць прыязджаць маліцца і з ваколіцы, там вакол Паўночных могілак ніякіх капліц і тым больш касцёлаў няма. То з часам ўзнікла б і парафія. Зараз пасля пандэміі вялізныя храмы не патрэбны, галоўнае, каб перад імі была прастора, дзе вернікі могуць удзельнічаць у набажэнствах на свежым паветры.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле