На свяце вёскі, якую выратавалі крыжы, сабралі грошы на рамонт касцёла
- Written by KATOLIK.LIFE
- Published in Царква
- Add new comment
У храме ўжо зрабілі частковы рамонт, дзякуючы сабраным на мінулым фэсце сродкам
У вёсцы Вынішчы Слуцкага раёна прайшоў фэст, які сабраў шмат гасцей. Гэта традыцыйнае свята, якое вяскоўцы сваімі сіламі ладзяць штогод. На імправізаванай сцэне спяваюць песні, для дзяцей усталёўваюць батуты, прадаюць цацкі і хатнюю выпечку, робяць грым. А атрыманыя з гэтага свята грошы ідуць на аднаўленне мясцовага каталіцкага храма, Дома культуры, добраўпарадкаванне вёскі.
У касцёле Нараджэння Святога Яна Хрысціцеля ўжо зрабілі частковы рамонт, дзякуючы сабраным на мінулым фэсце сродках. Вяскоўцы праводзілі работы сваімі сіламі. Ініцыятарам стала настаўніца беларускай мовы і літаратуры, жыхарка вёскі Валянціна Шышко.
- Касцёл у 1993 годзе яшчэ мая цётка пачынала будаваць. З часам храм стаў патрабаваць рамонту. Вось мы на грамадскія грошы закупілі будматэрыялы і за чатыры вечары сваімі сіламі зрабілі, - распавядала Валянціна Шышко журналістам летась. У далейшых планах - адрамантаваць столь храма.
Дарэчы, падчас Другой сусветнай вайны вёска ўцалела, як сведчаць мясцовыя жыхары, дзякуючы веры. 19 лютага 1943 года ў вёсцы ўстанавілі пяць крыжоў. Ужо 23 лютага ў ваколіцы карнікі спалілі 9 вёсак, а Вынішчы ацалелі. З таго часу кожны год 19 лютага жыхары сталі хадзіць вакол вёскі, падыходзілі да кожнага крыжа і прасілі, каб Бог засцярог ад вайны. Да крыжоў у Вынішчах і суседніх вёсках засталося асаблівае стаўленне: кожны вернік час ад часу прывязвае да крыжа светлую хустку з вышытым на ёй крыжам.
Related items
- Такі падарунак – толькі ад байкераў. Мотасезон яны адкрылі ў касцёле
- Ці ўступаць у піянеры, спыталі ў вернікаў – частка адказаў здзівіла
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў