Рэакцыя ўладаў на публікацыю ў «Мінскай праўдзе»: апавяшчэнне Мінінфарма
- Written by KATOLIK.LIFE
- Published in Царква
- Add new comment
Упаўнаважаны па справах рэлігій і нацыянальнасцей даслаў ліст старшыні беларускай біскупскай канферэнцыі
Апарат Упаўнаважанага па справах рэлігій і нацыянальнасцей адрэагаваў на публікацыю ў газеце «Мінская праўда», якая глыбока абурыла вернікаў. Нагадаем, Каталіцкая царква ў Беларусі асудзіла публікацыю і расцаніла яе як распальванне варожасці. Біскупы выказалі спадзяванне, што адпаведныя органы дзяржаўнай улады дадуць належную прававую ацэнку карыкатуры і публікацыі.
У лісце ад 9 верасня на імя біскупа Алега Буткевіча, старшыні епіскапату, упаўнаважаны Аляксандр Румак заявіў, што гэтая публікацыя не адлюстроўвае афіцыйную пазіцыю дзяржавы ў адносінах да Рыма-каталіцкай царквы ў Беларусі.
Таксама ён выказаў думку, што публікацыя не спрыяе падтрыманню міжканфесійнага міру і згоды ў краіне, а атаясамленне аўтарам артыкула асабістай ацэнкі дзейнасці асобных каталіцкіх святароў з усёй Рыма-каталіцкай царквой у Беларусі з’яўляюцца непрымальнымі, паведамляе catholicnews.by.
Упаўнаважаны ў лісце паведаміў, што Міністэрства інфармацыі пісьмова апавясціла інфармацыйнае агенцтва «Мінская праўда» аб недапушчальнасці падобнага роду публікацый. Мінінфарм на сваім сайце пакуль пра гэта не паведамляе.
Related items
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Не святар: разабралі памылковую інфармацыю пра затрыманне верніка ў Омску
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў