Усё пра ідалапаклонства ў XXI стагоддзі - на рэкалекцыях ва Уселюбе
- Written by KATOLIK.LIFE
- Published in Царква
- Add new comment
Ёсць многія рэчы, якім пакланяюцца сучасныя людзі. Як працаваць са сваімі жаданнямі, каб яны не сталі прычынай ідалапаклонства?
Ці ёсць ідалапаклонства ў XXI стагоддзі? На гэтую тэму будуць разважаць на рэкалекцыях з 10 па 12 снежня ва Уселюбе. Рэкалекцыі прысвечаны таму, каб паказаць людзям, якія жывуць у дваццаць першым стагоддзі, актуальнасць праблемы пакланення ідалам.
Гаворачы аб ідалапаклонстве ў нашыя дні, часцей за ўсё можна пачуць рэакцыю, якая адмаўляе значнасць гэтай з'явы. Калі евангеліст Ян напісаў сваё Першае пасланне да касцёла, у самым канцы свайго жыцця, ён падвёў вынік гэтаму пасланню нечаканай фразай: "Дзеці, захоўваеце сябе ад ідалаў" (1 Яна 5,21). Апостал палічыў вельмі важным папярэдзіць пра гэта. Прымус чалавека пакланяцца каму-небудзь ці чаму-небудзь, акрамя сапраўднага Бога, з'яўляецца галоўнай мэтай д'ябла.
«Падчас духоўных практыкаванняў мы прыгледзімся да асноўных заганаў чалавечага жыцця, якім пакланяюцца сучасныя хрысціяне: пакланенне багаццю, абжорству, чалавечай уладзе, чалавечай славе і іншае. А таксама, як працаваць са сваімі жаданнямі, каб яны не сталі прычынай ідалапаклонства», - тлумачаць арганізатары.
Пачатак: пятніца 19.00, 10 снежня. Заканчэнне: нядзеля 13.30, 12 снежня. Каля касцёла знаходзіцца Дом Пілігрыма, дзе можна пераначаваць і атрымаць трохразовае харчаванне. Праводзіць рэкалекцыі кс. Віталій Цыбульскі, пробашч парафіі св. Казіміра ва Ўселюбе. Адрас: касцёл святога Казіміра, вул. Чырвонаармейская, 20, аг. Уселюб, Навагрудскі раён, Гродзенская вобласць.
Кантакт для атрымання дадатковай інфармацыі і запісу:
+375 (29) 280 05 45
casimir1433@gmail.com
Паглядзець праграму рэкалекцый на 2021-2022 гады ва Уселюбе і інфармацыю, як дабрацца, можна тут >
Related items
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Без цуду, але з падтрымкай: як «Радыё Марыя» выходзіць з цяжкай сітуацыі
- Паранены святар, пасадка бульбы: як жывуць пры абстрэлах вернікі Харкава і рэгіёну