У Будславе ладзяць дабрачынны кірмаш - сродкі накіруюць на рамонт
- Written by KATOLIK.LIFE
- Published in Царква
- Add new comment
Усіх жадаючых запрашаюць прыносіць сувеніры, падарункі і іншыя рэчы для кірмаша
Будслаўская парафія запрашае прыняць удзел у дабрачынным Калядным кірмашы. Усе атрыманыя сродкі накіруюць на рамонтныя працы ў касцёле.
- Мы хочам зрабіць кірмаш, на які кожны жадаючы можа прынесці свае падарункі і кожны жадаючы можа забраць сабе нейкі сувенір за любую суму ахвяраванняў, - тлумачаць арганізатары. - Прыносьце сувеніры, статуэткі, гліняны посуд, карціны, цацкі - усё, што вы ўмееце рабіць, усю вашу творчасць.
Збор працягнецца да 19 снежня, затым пачнецца кірмаш. Пункты збору падарункаў: касцёл у Будславе, касцёл на Залатой Горцы ў Мінску (пр. Незалежнасці, 44а).
Паводле інфармацыі парафіі, на адбудову святыні пасля пажару ў траўні 2021 году сабрана звыш 1 млн 120 тыс. рублёў ахвяраванняў. Нагадаем, базыліку цалкам накрылі часовым дахам, умацавалі купал. Але ёсць неабходнасць далей працягваць рамонтныя працы.
Related items
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Штосьці незвычайнае зладзілі ў мінскім касцёле: набажэнства спалучылі з перфомансам
- «Дзіця электрычкі» вандруе па Беларусі ў пошуках цікавых храмаў і драўляных хат
- Мільён праглядаў у TikTok! Папулярны кантэнт стварае каталіцкі хор з Ліды