Гістарычная падзея: Папа Рымскі прысвеціць Расію і Украіну Беззаганнаму Сэрцу Марыі
- Written by KATOLIK.LIFE
- Published in Царква
- Add new comment
Чаму так і што гэта азначае? Аб гэтым Пантыфіка прасілі шматлікія вернікі
Тэрміновую навіну паведамілі ўвечары 15 сакавіка ў Ватыкане: Папа Францішак прыняў рашэнне прысвяціць Расію і Украіну Беззаганнаму Сэрцу Марыі. Гэта адбудзецца ва ўрачыстасць Звеставання Пана 25 сакавіка 2022 года ў 17.00, падчас пакутнага набажэнства ў базыліцы святога Пятра. Адначасова ў партугальскай Фаціме гэта здзейсніць кардынал Конрад Краеўскі, паведамляе vaticannews.va/be.
Чаму гэта падзея стане гістарычнай і што яна азначае? Маці Божая падчас аб’яўлення 13 ліпеня 1917 года ў Фаціме прасіла аб прысвячэнні Расіі Яе Беззаганнаму Сэрцу, заяўляючы, што, калі гэтая просьба не будзе прынята, Расія працягне распаўсюджваць “свае памылкі па ўсім свеце, спрыяючы войнам і пераследу”.
Пасля аб'яўленняў у Фаціме было некалькі падобных набажэнстваў - у перыяд з 1942-га па 1984 гады. У цяперашняй сітуацыі, пасля ваеннага нападу Расіі на Украіну, Папа вырашыў зноў адказаць на просьбу Панны Марыі і прысвяціць Яе Беззаганнаму Сэрцу адначасова дзве краіны. Аб гэтым Пантыфіка прасілі украінскія біскупы, а таксама шматлікія вернікі - у тым ліку з Беларусі.
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Папа Рымскі прыняў у Ватыкане шамана – той папрасіў аб дапамозе
- Паранены святар, пасадка бульбы: як жывуць пры абстрэлах вернікі Харкава і рэгіёну