У Будслаў аднаўляюцца масавыя пешыя пілігрымкі. Першая выйдзе з Баранавічаў
- Written by KATOLIK.LIFE
- Published in Царква
- Add new comment
Апошнія два гады традыцыйныя паломніцтвы ў Нацыянальны санктуарый не праводзіліся
У беларускі Нацыянальны санктуарый у Будславе аднаўляюцца арганізаваныя пешыя пілігрымкі, якія не праходзілі апошнія два гады. Афіцыйнай прычынай была пандэмія каронавіруса. У 2020-м і 2021-м гадах паломнікі прыходзілі ў Будслаў толькі ў індывідуальным парадку.
Першая пілігрымка выйдзе 23 чэрвеня з Баранавічаў - рэгістрацыя ўжо адкрытая. Як стала вядома 23 траўня, арганізатары атрымалі афіцыйны дазвол для правядзення пешай пілігрымкі Баранавічы - Будслаў. Гэтая пілігрымка будзе ўжо 27-ай па ліку. Як і раней, за 9 дзён удзельнікам трэба прайсці амаль 300 кіламетраў, паведаміў у сваім Instagram дырэктар паломніцтва ксёндз Павел Рудзьман.
Фэст у гонар Маці Божай Будслаўскай пройдзе 1-2 чэрвеня - а пакуль у пацярпелым ад пажара касцёле праходзяць аднаўленчыя працы. Звычайна ў Нацыянальны санктуарый прыходзілі пешшу тысячы паломнікаў з розных куткоў Беларусі. Аб арганізацыі іншых пілігрымак афіцыйна пакуль не паведамляецца.
Нагадаем, напярэдадні стала вядома аб правядзенні ў Мінску працэсіі Божага Цела пасля двухгадовага перапынку.
Related items
- Мілыя фота з жывёламі ў Баранавічах выклалі манаскія асобы
- Не святар: разабралі памылковую інфармацыю пра затрыманне верніка ў Омску
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы