"Чаму, навошта, калі гэта ўсё скончыцца?" Адказаў біскуп Касабуцкі
- Written by KATOLIK.LIFE
- Published in Царква
- Add new comment
Каталіцкі іерарх нагадаў, што гісторыя нашага зямнога жыцця - гэта вандроўка да Божага Валадарства
Ва ўрачыстасць Унебаўшэсця Пана генеральны вікарый Мінска-Магілёўскай архідыяцэзіі Рыма-каталіцкай царквы біскуп Юрый Касабуцкі напісаў паведамленне на сваёй старонцы ў сацсетцы па шматлікіх просьбах вернікаў.
- Адзначылі мы ўрачыстасць Унебаўшэсця Госпада. Гэта свята кіруе наш позірк у вышыні неба і звяртае ўвагу на прызначэнне кожнага чалавека - Божае Валадарства. Тут, падчас зямнога жыцця, мы перажываем шмат выпрабаванняў, цяжкасцяў, незразумелых момантаў і нават часам ўваходзім у роспач, перажываем сумневы, расчараванні, дэпрэсіі... Разважаючы пра розныя падзеі, якія мы перажываем, я таксама часта задаю падчас малітвы пытанні: чаму? навошта? як так можа быць? калі ж ужо гэта ўсё скончыцца?
Гэтыя пытанні складаныя, прызнае іерарх, і яны актуальныя для большасці з нас сёння. Ён працягнуў:
- Я думаю, што варта задаць сабе таксама пытанне, а што праз гэтыя падзеі Бог хоча сказаць сёння нам? На што Ён хоча звярнуць увагу?
Біскуп адзначае, што гісторыя нашага зямнога жыцця - гэта вандроўка да Божага Валадарства, куды ўвайшоў Хрыстос, каб "падрыхтаваць месца" для нас:
- У любой сітуацыі, у любых умовах мы перш за ўсё павінны заставацца людзьмі з вялікай літары... Запаведзь любові сёння асабліва актуальная (варта паразважаць над словамі Збаўцы "любіце непрыяцеляў вашых"), малітва неабходная нам больш, чым паветра, а мы ведаем, што малітва - гэта вялікая сіла, здольная нават горы перавярнуць... Інтэнцыі малітвы мы ўсе добра ведаем...
Біскуп Касабуцкі нагадаў, што Хрыстос чакае нас у сваім Валадарстве, і завяршыў разважанне малітвай: "Дай нам, Божа, дзякуючы Тваёй ласцы і дапамозе, сустрэцца ў гэтым Валадарстве!"
Related items
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- Загадкавую смерць манахіні расследуюць у Гомелі
- З 7 дзецьмі пасля 25 сутак вядомы прапаведнік пакінуў Беларусь
- Беларусы даказваюць у судах «польскія карані» – з дапамогай веры