Католікі Беларусі сабралі ахвяраванні для пацярпелых ад землятрусу ў Турцыі і Сірыі
- Written by KATOLIK.LIFE
- Published in Царква
- Add new comment
Акцыя па збору сродкаў прайшла ў касцёлах. Раней ахвяраванні сабралі католікі Польшчы, фінансавую дапамогу аказваў Ватыкан.
У Другую нядзелю Вялікага посту, 5 сакавіка, у каталіцкіх парафіях Беларусі сабралі ахвяраванні, якія накіруюць на дапамогу пацярпелым ад землятрусу ў Турцыі і Сірыі. Акцыя прайшла пасля нядзельных святых Імшаў у касцёлах паводле закліку каталіцкіх біскупаў Беларусі. Іерархі нагадалі, што Вялікі пост – перыяд, які асабліва звязаны з практыкай міласціны: дапамогі бліжнім, якія знаходзяцца ў патрэбе. Новым выклікам для свету у апошні час стаў землятрус у Турцыі і Сірыі.
Ахвяраванні пералічаць на адмысловы рахунак Дабрачыннага каталіцкага таварыства Caritas, якое накіруе сродкі ў пацярпелыя ад бедства краіны.
Раней збор ахвяраванняў для Турцыі і Сірыі абвяшчаў Caritas у Польшчы і іншых еўрапейскіх краінах. Фінансавую дапамогу накіраваў Сірыі адразу пасля землятрусу Папа Рымскі Францішак. А ў Турцыю была дастаўлена гуманітарная дапамога Ватыкана. Ад землятрусу ў лютым 2023 года ў Турцыі і на поўначы Сірыі загінулі звыш 50 тысяч чалавек, яшчэ амаль 140 тысяч былі параненыя.
Related items
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы