З паходнямі і ў касцюмах: вуліцамі гарадоў Беларусі правялі Крыжовы шлях
- Written by KATOLIK.LIFE
- Published in Царква
- Add new comment
Атмасфернымі фота і відэа падзяліліся ў Іўі і Навагрудку, таксама гарадское набажэнства прайшло ў Мінску.
Пасля таго, як упершыню за пяць гадоў Крыжовы шлях правялі католікі на вуліцах у Гродне, у Вялікую сераду, 27 сакавіка, агульнагарадскія набажэнствы прайшлі таксама ў Іўі, Навагрудку і Мінску.
У сталіцы Беларусі вернікі сабраліся перад касцёлам на Залатой Горцы – удзельнікі выкарыстоўвалі касцюмы для больш глыбокага перажывання Мукі Хрыстовай.
А ў Навагрудку велічная працэсія прайшла па вуліцах горада з паходнямі, якія неслі дзеці, і малітоўнымі спевамі пад гітару (відэа глядзіце ніжэй).
У Іўі таксама правялі Крыжовы шлях па цэнтральных вуліцах горада. Розныя групы вернікаў неслі велізарны крыж, робячы прыпынкі для малітвы і ўшанавання Крыжа, на якім Гасподзь быў укрыжаваны і ўзяў на сябе грахі кожнага чалавека (фота Іўеўскага дэканата).
Крыжовы шлях – гэта набажэнства, якое католікі праводзяць у перыяд Вялікага посту і перажываюць асноўныя моманты мукі і смерці Езуса Хрыста – ад асуджэння на смерць да пахавання.
Media
Related items
-
Упершыню ў Беларусі зарэгістравалі арганізацыю капуцынаў. Чаму гэта важна і дзякуючы каму гэта адбылося?
-
Пратэсціравалі хрысціянскі штучны інтэлект Acutis AI – добры «сябар», але можа памыляцца
-
Каталіцкую капліцу, якую ў Расіі разабралі і адправілі на фронт, уратавалі праваслаўныя
-
У буйным горадзе Расіі знеслі каталіцкую капліцу і адправілі яе дэталі на фронт
-
Як адрэагавалі вернікі на віншаванне Мітрапаліта з чырвонай зоркай – падтрымалі адзінкі